Aktor, puro papogi lang, dedma sa GF… FANS, MAS GUSTONG SINGLE NA LANG SI KIM KESA MAY XIAN

ni Ambet Nabus @Let's See | November 19, 2023

Hayan na at tila dumarami na ang mga supporters ni Kim Chiu na naiimbiyerna sa kaeklayan umano nitong si Xian Lim.

Matapos kasi silang matsismis na naghiwalay na raw, imbes klaruhin umano ni Xian ang mga usap-usapan ay tila ginawa pa raw itong PR slant ng aktor.

Ni hindi na nga raw nito in-acknowledge man lang ang magagandang effort ni Kim mula sa mahusay nitong teleserye na Linlang at pagkapanalo sa Magpasikat Ka sa It's Showtime, naging 'selfish' pa umano ang sinasabing boyfriend ni Kim dahil sinentro nito ang isyu sa kanyang mga kuda.

"Hindi siya tumulad kay Gerald (Anderson), napaka-gentleman at propesyonal. Nabanggit lang ang name ni Kim nang mag-renew ito ng contract, agad nitong pinuri ang magagandang nangyayari sa dating GF. Hindi na niya kailangang tawaging direktor (kuno) para mapansin ang improvement sa acting ni Kim at purihin ito," litanya ng mga tagahanga ni Kim.

Sila rin ‘yung mga fans ni Kim na mas gusto pa raw na wala munang love life ang idolo nila kesa naman ganyan.