ni Ambet Nabus @Let's See | Nov. 7, 2024
Photo: John Estrada - Instagram
Hmmm, gaano kaya katotoo ang tsikang nginitian at nagkibit-balikat na lang daw at hindi na nais pang magkomento o mag-react ng mga dalagang anak ni John Estrada sa latest nitong isyu kasama ang isang girl foreigner?
Kung dati-rati raw kasi ay medyo naaapektuhan pa ang mga dalagang anak ni John kina Janice de Belen at Priscilla Meirelles, ngayon ay super ‘dedma’ na ang mga ito sa usaping hindi mabubuhay ang ama nila nang walang nali-link na bagong babae.
Sey nga ng kausap namin na nakatrabaho ang ilan sa mga dalaga ni John, “Bata pa lang daw sila ay ‘yun at ‘yun na ang isyu sa ama, so what else is new nga naman?”
Sa showbiz kasi, once banggitin mo ang name ng mahusay na character actor, laging isyu sa “babae” ang nakakabit dito.
Sabi nga ng kauna-unahang TV show ni John sa showbiz na Palibhasa Lalake (PL) ay “Palibhasa, lalaki.”
Pero hirit pa rin ng same source, “Well-guarded at sagana sa payo at tips tungkol sa mga lalaki ang mga dalaga n’ya.”
BIBIYAHE pa-Australia ang tropa nina Direk Coco Martin, Batang Quiapo crew at ilan pang kaibigang celebrities this November.
May series of shows sila ru’n in line na rin sa promo ng serye, plus pag-introduce ng mga bagong business ni Coco dahil may mga partners daw itong naka-base sa Australia.
Of course, ini-rehearse ni Coco ang mga pamoso niyang Hagibis production numbers pati na ang bagong viral dance steps sa TikTok na very recent nga siyang naging active.
May mga ipapamigay pang papremyo sina Coco and company kaya parang abonado pa nga raw ang production ng show nila. Hahaha!
But one question na inaalam ng aming mga spies sa ngayon, maisasama kaya sa biyahe ang mga umano'y anak nila ni Julia Montes, kung saka-sakali raw na hindi maiipit ang iskedyul ng huli sa ipino-promote nitong bagong teleserye?
Abangan!
STAR-STUDDED ang birthday celebration ni GMA Network Senior Vice-President Atty. Annette Gozon-Valdes noong Sunday, November 3, sa The Peninsula Manila.
Sa Instagram (IG) post ng Sparkle GMA Artist Center, isa sa mga highlights ng kanyang kaarawan ay ang pagdalo ng mga Kapuso at Sparkle artists, kabilang sina Alden Richards, Dingdong Dantes at Julie Anne San Jose, na nakisaya at nag-perform nu'ng gabing iyon.
Ilan din sa mga celebrities na dumalo sa celebration ay sina Sanya Lopez, Rayver Cruz, Bianca Umali, Ashley Ortega, Ruru Madrid, Shuvee Etrata, at Faith da Silva.
Ito ay isang surprise para kay Atty. Annette na dumating sa venue kasama ang kanyang ama na si GMA Chairman Atty. Felipe L. Gozon.
Kasama rin sa mga bisita ang ilang opisyal ng GMA Network, kanyang pamilya, at iba pang mga kamag-anak at kaibigan na nagbigay ng suporta at pagmamahal sa kanyang birthday celebration.
Happy Birthday, Atty. Annette Gozon-Valdes!
Comments