ni Ambet Nabus @Let's See | May 29, 2024
Mainit ding pinag-uusapan ang nag-viral na photos nina Richard Gutierrez at Barbie Imperial sa South Korea.
Hindi na nga biru-biro ang sinasabing ugnayan ng dalawa lalo't hindi naman ito ang first time na ma-sight sila na magkasama.
Habang may mga nagsasabing bagay din naman sila, may mga nag-aakusa naman na malandi si Barbie kahit alam nitong hindi pa talaga legal ang paghihiwalay nina Richard at Sarah Lahbati.
May mga nagsasabi ring baka diumano ginagamit lang ni Richard ang batang aktres.
Well, kung anuman ang buong katotohanan sa mga sighting na nabanggit, mature at nasa edad na ang aktor at si Barbie.
Sa panahon kasi ngayon, wala ka nang maitatago sa mga tao at mga malisyosong Marites.
But then again, hindi ito usapin ng pagiging ‘masaya lang’ at dahil aprubado na ang divorce bill, baka nga may mga kaparaanan na ang mga artista nating nasa ganitong estado na ilantad na sa madla ang kagayang usapin sa buhay-pag-ibig nila.
Opmerkingen