ni Nancy Binay @Be Nice Tayo | December 15, 2023
Naisama na sa United Nations Educational, Scientific, and Cultural Organization (UNESCO) Representative List of the Intangible Cultural Heritage of Humanity ang piña handloom weaving ng Aklan.
Natutuwa tayo sa pagkakabilang ng tradisyon na ito sa intangible cultural heritage list. Nakikilala na ang Aklan piña handloom weaving hindi lang sa bansa, kundi sa buong mundo dahil sa mga obrang produkto na naitatampok sa iba’t ibang lugar.
Malaki ang maitutulong ng pagkilalang ito sa mga kababayan nating manghahabi sa Aklan, at nawa’y buhat dito ay lalo pang umusbong ang piña handloom weaving.
☻☻☻
Naniniwala tayong kaya rin ng iba pa nating tradisyonal na paghahabi, at maging ibang salik ng kultura gaya ng oral tradition, traditional craft, at indigenous arts na mapabilang sa UNESCO list.
Ngunit, kailangan ng karampatang suporta mula sa pamahalaan upang maging praktikal din para sa mga kababayan natin ang pagpreserba rito.
Sa harap ng banta ng pagkalimot sa mga magagandang tradisyong ito, kailangan ding mahikayat natin ang mga kabataan upang magka-interes sila na panatilihin ang mga tradisyong kinagisnan nila.
☻☻☻
Patuloy tayong umaasa na kikilos ang pamahalaan para sa ating kultura.
Makakaasa rin ang ating mga kababayan na patuloy nating ipaglalaban ang pagpreserba at pagpapayabong ng ating kultura at ang mga pamana ng ating mga ninuno.
☻☻☻
Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal.
Malalagpasan din natin ito.
Be Safe. Be Well. Be Nice!
Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.
Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US! Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay
Comments