ni Beth Gelena @Bulgary | Dec. 23, 2024
Photo: Anthony Jennings - Instagram / Circulated
Naki-Christmas party si Anthony Jennings sa cast ng Incognito kung saan kabilang sila ni Maris Racal.
Mula nang madawit sa kontrobersiya ay naging madalang ang public appearance ng MaThon (Maris at Anthony). Maging sa mga promotion ng pelikulang kinabilangan nila ay hindi muna sila kasama.
Ang nasabing okasyon ay dinaluhan ng mga kasamahan ni Anthony sa proyekto, subalit kapansin-pansin na wala roon ang ka-love team niyang si Maris.
Nananatiling tahimik si Maris sa social media at wala pang anumang pahayag o public appearance simula nang maglabas siya ng mensahe kaugnay ng isyung kinasangkutan.
Si Anthony naman ay aktibong nakikisalamuha sa mga kasamahan sa industriya.
Bukod sa Incognito, bahagi rin ng pelikulang And The Breadwinner Is… (ATBI) sina Maris Racal at Anthony Jennings.
Nakalipat na si Barbie Forteza at ang kanyang pamilya sa bago nilang bahay.
Sa Instagram (IG) ng Pulang Araw (PA) star ay ibinahagi niya ang mga kuhang larawan mula sa kanilang living room, kung saan makikita ang decorated Christmas tree.
“After just one year, B Casa is now officially ours,” ani Barbie.
Dagdag pa niya, “The home was signed and sealed with blood, sweat and a whole lotta tears.
“It was not an easy journey but it was all worth it. Grateful for everything.”
Tiyak na masaya ang Pasko ng pamilya ni Barbie Forteza dahil natupad na niya at nakita ang pinaghirapan niya sa pag-aartista.
Fruit of love, ‘ika nga!
Sa kasal nina Jose at Mergene…
MILES AT ELIJAH, HULICAM NA NAGHAHALIKAN
Na-hulicam (huli sa camera) sina Miles Ocampo at Elijah Canlas sa kanilang PDA (public display of affection) movement sa kasal nina Jose Manalo at Mergene Maranan.
Huling-huli ng camera ang celebrity couple na nagki-kiss.
Love is sweeter the second time around para kina Miles at Elijah dahil nag-break na noon ang dalawa.
Matapos ang kanilang hiwalayan ay napabalitang inaayos nila ang kanilang relasyon hanggang naging sila muli.
Sa video, makikita na nakaupo ang dalawa habang naglalakad ang mga bridesmaid at groomsmen nang biglang tumingin at lumapit si Elijah sa katabi niya noong si Miles para ito’y halikan sa labi.
Komento ng isang netizen, “Sila ba ulit?”
Wala pa namang kinukumpirma ang celebrity couple na nagkabalikan sila, pero para sa mga netizens ay resibo na ang PDA ng dalawa.
Sey nila:
“Waaaaah! Nag-comeback na sila. So happy.”
“Ahhhh!!! I’m rooting for their relationship talaga and I’m so glad they’re back.”
“Nauna pang mag-kiss the bride, eh. Hahaha! Ang sweet naman.”
“Finally!! Real na real nga talaga ang comeback.”
Well, mukhang nagkabalikan na nga sina Elijah Canlas at Miles Ocampo at itinuloy ang tamis ng kanilang pag-ibig sa isa’t isa.
Comments