ni Vinia Vivar - @Frankly Speaking | September 29, 2021
Isang magandang balita ang inianunsiyo nina Daniel Padilla at Kathryn Bernardo sa kanilang milyun-milyong fans last Monday night sa TV Patrol. Kasabay ng pagdiriwang ng 10th anniversary ng KathNiel ay ibinalita nilang tuloy na tuloy na ang kanilang teleserye na matagal na ngang hinihiling sa kanila ng mga tagahanga.
“Mga Kapamilya, ito na po ang isa sa mga sorpresa na inihanda namin sa inyo at ng ABS-CBN. Finally, ia-announce na po namin na tuloy na tuloy na po ang teleserye namin. Mag-i-start na kaming mag-taping this October. So the title is 2 Good 2 Be True at sana, abangan n’yo and we’re really excited for this project,” ang announcement ni Kathryn.
Sey naman ni DJ, “After 4 years, ‘di ba? Four years nang wala kami sa TV, ‘eto, nagbabalik na kami at magte-taping na kami very soon.”
Mahigit isang taon daw ang inabot ng proseso ng kuwento, konsepto at script ng serye na ididirehe ni Mae Cruz Alviar. At hands-on daw mismo ang KathNiel sa proyekto.
“With the help of the whole production team, Direk Mae, one of our favorite directors and we’re happy that she said yes,” ani Kath.
Ayon pa sa aktres, after Pangako Sa ‘Yo na heavy drama at pagkatapos ay La Luna Sangre na action, gusto raw talaga nilang gumawa naman ulit ng romantic-comedy series dahil Got To Believe pa ang huli nilang rom-com serye.
Bukod dito ay pinakinggan din daw nila ang matagal nang hiling ng KathNiel fans sa kanila at ito nga ay ang pakiligin sila gabi-gabi sa TV.
Comments