ni Mercy Lejarde @Showbiz Talkies | November 19, 2023
Lalong umiigting ang mga emosyon sa hit Kapamilya teleseryeng Senior High pagkatapos nitong makalikom ng isang bilyong views sa TikTok kasabay ng pagbubukas ng bagong kabanata ng serye.
Sa isang pasabog na trailer na inilabas para sa bagong kabanata, nabulabog ang netizens sa sunud-sunod na rebelasyon kaugnay sa pagbubuntis ni Luna noong namatay siya.
Ipinasilip dito ang posibleng ‘baby daddy’ na si Gino (Juan Karlos), ang dating lover ni Luna, at si Professor Castrodes (Floyd Tena), ang dating vice-principal ng Northford na ikinulong dahil sa panggagahasa ng isang estudyante noon.
Tutukan ang mga rebelasyon sa Senior High gabi-gabi, 9:30 PM sa Kapamilya Channel, Kapamilya Online Live, A2Z, TV5, iWantTFC, at TFC.
Commentaires