ni Vinia Vivar @Frankly Speaking | March 7, 2023
Wala pang may alam kung balak bang lumipat ni Sharon Cuneta sa GMA-7 matapos nga niyang ipaalam sa kanyang post na tatanggap na siya ng proyekto sa ibang network since wala pa namang work na ibinibigay sa kanya ang ABS-CBN.
Isang netizen ang diretso siyang tinanong kung may posibilidad bang lumipat siya sa GMA-7 na sinagot naman agad ni Megastar.
“For the record I have not spoken to anyone from any other station. I just have no work yet at ABS-CBN. Seven months na. For the first time,” sagot ni Shawie.
Sinabi rin ni Mega na sa GMA-7 siya nanggaling at marami rin siyang kaibigan doon.
“Du'n naman ako galing and (ang) dami kong kaibigan du'n, never nawala (ang) love & respeto
nila sa 'kin. Kapamilya lang nga ako ng over 3 decades pero nagge-guest pa rin ako sa GMA.”
Sey naman ng isang netizen, “'Wag lang po sa Manny Bill at Station.”
Sagot naman ni Shawie, “Kahit naman saan, basta matino (ang) trabaho. Kung saan ako kailangan at gusto. Kung may work naman sa ABS, 'di ako aalis. 'Di naman ako umaalis, naghihintay lang pero 'di naman kaya maghintay forever.”
Comments