ni Ronalyn Seminiano Reonico | June 28, 2021
Dumating na sa bansa ang 249,600 doses ng Moderna COVID-19 vaccine noong Linggo nang gabi.
Dumating sa Ninoy Aquino International Airport Terminal 3 ang initial delivery ng Moderna vaccines mula sa United States bandang alas-11 ng gabi.
Sina Vaccine Czar Carlito Galvez Jr., Health Undersecretary Carol Tanio, US Embassy Economic Counselor David Gamble, Jr., International Container Terminal Services, Inc. (ICTSI) Executive Vice-President Christian Martin Gonzalez at ilang opisyal ng Zuellig Pharma ang sumalubong sa pagdating ng Moderna vaccines.
Ayon sa National Task Force (NTF), sa 249,600 doses, 150,000 doses ang binili ng pamahalaan at ang 99,600 doses naman ay binili ng ICTSI.
Samantala, inaasahan namang makatatanggap pa ang bansa ng 20 million doses ng Moderna COVID-19 vaccine ngayong taon, ayon sa NTF.
Comments