ni Lolet Abania | September 5, 2021
Pumalo na sa kabuuang 35,561 ang kumpirmadong kaso ng COVID-19 sa mga personnel ng Philippine National Police (PNP) matapos na makapagtala sa kanilang hanay ng 219 bagong kaso ng infections ngayong Linggo.
Gayunman, sa naturang bilang ay nasa 2,181 ang active cases ng COVID-19.
Sa report ng PNP Health Service, may 113 kaso naman ang nakarekober sa infection kaya umabot na sa kabuuang 33,272 ang gumaling sa virus sa kanilang organisasyon.
Nananatili naman sa 108 mga pulis ang naitalang nasawi dahil sa COVID-19.
Comments