Nitz Miralles / Bida
MALAKI ang pasasalamat ni Betong Sumaya kay Mark Herras dahil sa ginawang dance steps ng aktor-dancer para sa debut single ng komedyante-turned singer na Nang Minahal Mo ang Mahal Ko.
Madaling sabayan ang dance steps ni Mark and in fact, hindi lang siya ang gumawa ng dance steps sa single ni Betong.
May ibang version ng sayaw sa single ni Betong at maganda sanang gawan ng dance contest o dance challenge kung live lang ang All-Out Sundays na isa si Betong sa cast.
Pati si Kim de Leon, ang Male Survivor ng StarStruck 7, sinabayan si Mark sa pagsasayaw sa dance steps na ginawa sa song ni Betong.
Composition ni JB Menguito ang nasabing kanta na dream come true para kay Betong dahil matagal nang pinapangarap maging recording star at magkaroon ng kanta na siya ang original singer.