Tinatayang mahigit 17.1 milyong pamilya na ang nakatanggap ng cash assistance sa ilalim ng Social Amelioration Program (SAP).
Sa datos na inilabas ng Department of Social Welfare and Development (DSWD) hanggang alas-8:00 ng gabi ng Mayo 15, katumbas na ito ng 94.8% na target bigyan ng ayuda ng pamahalaan.
Sa nasabing bilang, higit 4.1 milyon ay Pantawid Pamilya beneficiaries habang 12.8 milyon naman ay mga benepisyaryo na binigyan ng local government units (LGUs).
Nasa 62,028 naman ang public utility vehicle (PUV) drivers ang nabigyan ng tulong-pinansiyal.
Sa ngayon, tinatayang P96.7 bilyon na ang na-disburse na pondo ng pamahalaan para sa SAP.