Sa may kaarawan ngayong Mayo 16, 2020 (Sabado): Isinilang ka nang may mayamang imahinasyon. Dahil dito, ang pagpapayaman ay tiyak na mapasasaiyo sa paggamit mo ng iyong imahinasyon.
ARIES (Mar. 21-Apr. 19) - Huwag kang maniwala sa mga nag-aalok ng malalaking kita pero hindi ka mahihirapan. Marami na ang nadaya ng ganyang istilo. Ito ang mensahe ng iyong kapalaran. Masuwerteng kulay-purple.
TAURUS (Apr. 20-May 20) - Huwag kang magpapatangay sa kagustuhan ng iba, ang mas maganda ay sila ang tangayin mo. Hindi ka isang lagas na dahon na tinatangay-tangay lang ng hangin. Masuwerteng kulay-pink.
GEMINI (May 21-June 20) - Isip ang sundin mo at hindi ang bugso ng damdamin. May pagkakataon na ang dapat sundin ay emosyon, pero ngayon, ang payo ng iyong kapalaran ay isipan ang iyong gamitin. Masuwerteng kulay-beige.
CANCER (June 21-July 22) - Magmumula sa mga kaibigan mo ang magagandang kapalaran mo. Ang mas maganda ay ang makipag-ugnayan ka sa kanila, sila na nasa malayo at malapit. Masuwerteng kulay-blue.
LEO (July 23-Aug. 22) - Bago ka kumilos, magplano ka. Nabibigo at nasasaktan ang mga walang plano sa buhay. Samantala, ang bahay na ginawa gamit ang plano ay maganda at matibay. Masuwerteng kulay-black.
VIRGO (Aug. 23-Sept. 22) - Huwag mong ipagdamot ang iyong magagandang ideya na nabuo sa pamamalagi mo sa bahay. Ito ang magsisilbing tulong mo sa kapwa ngayong panahon ng walang kinikita. Masuwerteng kulay-violet.
LIBRA (Sept. 23-Oct. 22) - Iwasan mo ang pag-iisip sa mga problema. Mas magandang maghanap ka ng mapaglilibangan kahit nasa bahay ka lang. Ang pakikipagkuwentuhan ay makatutulong sa iyo. Masuwerteng kulay-peach.
SCORPIO (Oct. 23-Nov. 21) - Pahalagahan mo ang sarili mong kapakanan. Huwag kang tumulad sa iba na akala ay tama na unahin ang ibang tao kaysa sa sarili. Ito ang mensahe ng iyong kapalaran ngayon. Masuwerteng kulay-red.
SAGITTARIUS (Nov. 22-Dec. 21) - Palakasin ang katawan. Ito ang kailangan mo dahil kapag binigyan na ng kalayaan ang mga tao, ikaw ay magiging abala sa pagnenegosyo. Masuwerteng kulay-brown.
CAPRICORN (Dec. 22-Jan. 19) - Huwag kang umasa sa iba. Pagkatapos ng utos na bawal lumabas ng bahay, gawin mo ang gusto mong gawin na hindi mo kailangan ng tulong. Ito ang mensahe para sa iyo. Masuwerteng kulay-white.
AQUARIUS (Jan. 20-Feb. 18) - Nakatutuwa ang mga kaganapan para sa iyo kapag puwede nang lumabas ng bahay dahil ikaw ay makikitang namamasyal at naglalakwatsa pero kumita ka nang marami. Masuwerteng kulay-green.
PISCES (Feb. 19-Mar. 20) - Masayang ibinabalita ng iyong kapalaran na pagkatapos ng utos na bawal lumbas ng bahay, ang kaban-yaman mo ay mas maraming laman kaysa sa nakaraan. Masuwerteng kulay-yellow.
![endif]--![endif]--