Nitz Miralles / Bida
Nabaling kay Vina Morales ang pamba-bash ng mga netizens nang i-post niya ang video ng kapatid na si Shaina Magdayao na nagpahayag ng saloobin sa pagsasara ng ABS-CBN.
Sa caption ng video, sinabi ni Vina na, “I'm proud of you indai inapotpot @shaina_magdayao ako po ay nakikiisa sa aking kapatid na patuloy na sumusuporta sa @abscbn. Lalong-lalo na po sa mga empleyado na nawalan ng hanapbuhay sa panahon ng pandemic, tama po 'wag na po kaming isamang mga artista dahil maski papaano, kami ay mabubuhay sa aming mga naipon.
Photo: IG @Shaina Magdayao (left)
"Iniisip po namin ang mga pamilya ng mga empleyado na sa kanila umaasa. Ako po ay patuloy na magdarasal at ako rin (ay) nagpapasalamat sa Kongreso sa ibinigay na panahon at pagdinig sa boses ng aming mga Kapamilya.”
Dahil sa post na ‘yun ni Vina, sinabihan siyang maraming drama, na sinagot ng aktres ng, “Hindi po kami madrama, ginagawa po namin 'yan sa mga teleserye. Kami po ay lumalaban para sa kapwa namin empleyado ng abs-cbn na ngayon ay walang trabaho habang may pandemic. Lahat po tayo ay nahihirapan sa mga oras na ito lalo na sa mga taong walang trabaho. Diyos na lang po ang bahala sa inyo.”