Sa may kaarawan ngayong Mayo 15, 2020 (Biyernes): Lahat ng maganda ay para sa iyo. Ito ang kahulugan ng araw ng iyong pagsilang. Dahil dito, ang magagandang kapalaran ay iyong matitikman.
ARIES (Mar. 21-Apr. 19) - Hindi ka dapat magpatalo sa lungkot at lihim na galit sa mga awtoridad. Para gumaan-gaan ang iyong pakiramdam, isipin mo na malayo ang talino mo kaysa sa kanila. Masuwerteng kulay-yellow.
TAURUS (Apr. 20-May 20) - Ngayon ay nalaman mo na noon pa ay plano na ang mahabang mga araw na bawal lumabas ng bahay, pero dinahan-dahan lang ang pagpapatupad. Huwag ka nang umangal. Masuwerteng kulay-purple.
GEMINI (May 21-June 20) - Wala namang mangyayari sa pagrereklamo dahil ang mga nagbabantay ay nautusan lang at ayon sa kanila, trabaho ang kanilang ginagawa. Ito ang mensahe ng iyong kapalaran. Masuwerteng kulay-pink.
CANCER (June 21-July 22) - Kahit anong itawag sa bulaklak na rosas, rosas pa rin ito. Tanggapin mo ang katotohanan na pinagaganda lang ang pangalan ng patakaran na bawal lumabas ng bahay. Masuwerteng kulay-beige.
LEO (July 23-Aug. 22) - Nabawasan ang pag-iingat mo. Hindi ka naman masisisi dahil humahaba ang araw na bawal lumabas ng bahay. Hindi lang naman ikaw ang nabawasan sa pag-iingat dahil ang mga tagabantay ay ganundin. Masuwerteng kulay-blue.
VIRGO (Aug. 23-Sept. 22) - Dumarami ang mga tanong mo sa isipan mo, pero wala namang sagot dahil ang mga sagot na naririnig mo ay hindi sapat para masabing matitinong kasagutan ang mga ito. Ito ang mensahe para sa iyo. Masuwerteng kulay-black.
LIBRA (Sept. 23-Oct. 22) - Dadalawin ka ng ilang suwerte. Ang pagkainis mo sa mga awtoridad ay mababawasan. Minsan ang mga suwerte ay nagbibigay ng kakaibang saya at hindi pinapansin ang mga mali. Masuwerteng kulay-violet.
SCORPIO (Oct. 23-Nov. 21) - Kapag ang nagkamali ay ang nagpapatupad, hinahayaan lang ng mga kasamahan ang ganitong kaganapan at malaki ang epekto nito sa iyo at sa mga tao. Ito ang mensahe para sa iyo. Masuwerteng kulay-peach.
SAGITTARIUS (Nov. 22-Dec. 21) - Huwag mong hayaan na masira ang diskarte mo nang dahil sa malalaking pagkakamali ng nagpapatupad ng utos na dapat ang mga tao ay may agwat. Ito ang mensahe para sa iyo. Masuwerteng kulay-red.
CAPRICORN (Dec. 22-Jan. 19) - Tahimik kang umaangal dahil sa hindi pantay na trato sa mamamayan. Huwag kang makihalo sa mga usapan tungkol dito dahil ang kailangan mo ay pahinga. Masuwerteng kulay-brown.
AQUARIUS (Jan. 20-Feb. 18) - Gawin mong abala ang katawan mo. Ito ang solusyon para ang isipan mo ay hindi mapunta sa pag-iisip sa mga nakikita mong pagkakamali sa paligid. Ito ang mensahe para sa iyo. Masuwerteng kulay-white.
PISCES (Feb. 19-Mar. 20) - Habang nasa bahay ka lang, gamitin mo ang kakayahan mo sa pagtutuos. Ibig sabihin, alamin mo ang posibleng kikitain mo kapag pinayagan nang lumabas ng bahay ang mga tao. Masuwerteng kulay-green.
![endif]--![endif]--