Erlinda Rapadas / Teka Nga
Maraming fans ang natutuwa na ibabalik ng GMA Network ang sequel ng Encantadia na tampok sina Glaiza de Castro, Kylie Padilla, Sanya Lopez at Gabbi Garcia.
Avisala!!! Muli na namang matutunghayan ng mga viewers ang pakikipagtunggali ng mga Sanggre!
Dito rin naipakilala sina Gabbi at Sanya na ngayon ay masasabing established nang mga Kapuso stars. Nakasama rin nila rito si Mikee Quintos.
Bale ang Encantadia ay papasok muna sa time slot ng Anak ni Waray vs. Anak ni Biday.
Samantala, ang pagbabalik naman ng Kambal Karibal serye noon nina Bianca Umali at Miguel Tanfelix ang mapapanood sa time slot ng Descendants of the Sun.
♥♥♥
Marami rin ang nag-aabang at excited na muling ipapalabas ang top-rated seryeng My Husband’s Lover na tampok sina Carla Abellana, Dennis Trillo at Tom Rodriguez. Dito nabuo noon ang tambalang TomDen (Tom at Dennis).
Ang afternoon soap naman na nag-rate nang husto at sinubaybayan ng libu-libong viewers, ang Ika-6 na Utos na pinagbidahan nina Sunshine Dizon, Gabby Concepcion at Ryza Cenon at idinirek ni Laurice Guillen ay muling mapapanood sa Afternoon Prime ng GMA-7 pagkatapos ng Eat… Bulaga!.