COVID-19 testing, libre

Bilang pagtalima sa direktiba ni Pangulong Rod­rigo Duterte para tugunan ang COVID-19, nagpahayag ng kahandaan ang Philippine Health Insurance Corpora­tion (PhilHealth) na sagutin ang halaga ng paggamit ng test kits sa mga ospital upang ibsan ang agam-agam ng publiko.

Ito ang ibinunyag nitong Miyerkules ni Cabinet Sec­re­tary Karlo Nograles, na siy­ang nagkumpirma na ang COVID-19 tests sa mga os­pital ay sasaklawin ng Phil­Health, maliban pa sa gastusin para sa quarantine at isola­tion.

“Batid ng Pangulo ang pag-aalala ng taumbayan sa COVID-19 at ang banta nito sa kalusugan ng ating mga mahal sa buhay, lalo na ang mga nakatatanda,” ayon kay Nograles na kasapi sa Task Force for the Ma­nage­ment of Emerging In­fectious Diseases (TF EID).

Ibinahagi ng opisyal ng Palasyo na ipinaalam sa kanya ni PhilHealth President and CEO Ricardo Morales na kasalukuyang pinopro­seso ng ahensiya ang porma­lidad ng nasabing ayuda at ang detalye ng pangangasiwa ng bagong benepisyong ito.

Sinabi rin ni Nogra­les na pinagsisikapan ng gobyerno ang pagtiti­yak na magkaroon ng sa­pat na bilang ng testing kits upang mabilis na matukoy at magamot ang mga dinapuan ng COVID-19.

Aniya, may­roon ding mga priba­dong ospital na nagpahayag ng kanilang kahandaang ma­kilahok sa field validation at ang NIH ay umaasang maka­hihingi ng approval mula sa ethics committee para sa field validation.