Breaking: Manatili sa mga susunod na updates.
Kinumpirma na ang beteranong Hollywood actor na si Tom Hanks at kaniyang misis na si Rita Wilson ay nag-positibo sa novel coronavirus.
Si Hanks at kanyang asawa ay nasa The Gold Coast, Australia, para sa pre-production ng Baz Luhrmann's Elvis Presley film, kung saan ay gaganap siya bilang manager ni Presley na si Col. Tom Parker, ayon sa ulat.
Sa statement na ipinost sa Twitter, nasabi ng aktor na siya at ang kaniyang asawa ay sinuri sa coronavirus. Ito ay matapos makaramdam ng mga sintomas at sa mga test na ginawa ay nag-positibo rin.
Sa kaniyang post: "We Hanks' will be tested observed, and isolated for as long as public health and safety requires," dagdag pa niya sa statement. "Not much more to it than a one-day-at-a-time approach, no? We'll keep the world posted and updated. Take care of yourselves!"
Ang coronavirus na maaring mauwi naman sa sakit na tinatawag naman na COVID-19 at ito ay idineklarang pandemic nito lang Miyerkules ayon sa World Health Organization. Nasa lampas 125,000 katao na ang na-infect sa buong mundo at lampas 4,600 pagkamatay naman ang naiulat.