Photo: Manila Public Information Office
Isang traffic enforcer ang sugatan nang kaladkarin ng sinisita niyang SUV driver sa Sta. Cruz, Manila, kahapon.
Sa inisyal na impormasyon mula sa Manila Public Information Office, kinilala ang biktima na si Adrian Lim, tauhan ng Manila Traffic and Parking Bureau.
Sa kuha ng CCTV, bandang alas-9:00 ng umaga, makikita na nakasabit ang enforcer sa umaandar na Mitsubishi Xpander sa Gelinos St., Bgy. 342.
Nakabangga pa umano ng nakaparadang sasakyan ang SUV na minamaneho ng suspek na si Orlando Ricardo, Jr.
Nakaharurot paalis ang suspek pero, nahuli rin sa Batasan Hills, Quezon City.
Samantala, inaalam pa ng mga awtoridad kung ano ang violation at kung ano ang dahilan ng pagtatalo ng suspek at biktima.
Kaugnay nito, nahaharap si Ricardo sa kasong serious physical injury at hit-and-run.