Hindi na makalalaro sa 30th Southeast Asian Games si Fil-American setter Alohi Robbins-Hardy matapos itong i-withdraw dahil sa pagkakaroon ng isyu sa pagkuha ng Philippine passport nito, ayon sa panayam ng ABS-CBN sports kay LVPI president Joey Romasanta.
Ang 6-foot-2 Fil-American ay nagdesisyon ng hindi lumahok sa 2nd leg ng Grand Prix upang magbigay daan sa ibang miyembro ng koponan para sa four-nation tournament bilang paghahanda sa biennial meet na magsisimula sa Nob. 30-Dis. 11. “She already gives way to other members” kasi nga hindi na siya makakahabol for the SEA Games because of her problem securing her Philippine passport,” wika ni Romasanta. “Matatagalan pa ang pagkuha niya ng passport kasi ngayong Lunes na ang deadline ng submission ng names kaya hindi siya aabot,” dagdag ni Romasanta.
Ayon sa ruling ay kinakailangang makakuha ang isang atleta ng Philippine Passport upang makapag-partisipa sa biennial meet. Naglaro sina Robbins-Hardy sa 1st leg ng ASEAN GP kung saan nagwagi sila ng bronze medal, dalawang linggo na ang dumaan. Pinalitan siya ni dating National University Setter Jasmine Nabor.
