Cook natagpuang patay sa water tank ng resort

PALAISIPAN ang pag­kakatagpo sa kata­wan ng cook at utility ng isang resort sa loob ng water tank ng Preziosa Botanic Park and Farm Resort sa Bry. Silsugin Al­fonso, Cavite, kahapon.

Kinilala ang biktima na si Victorino Obnamia, 44, may asawa, residente ng Bgy. Talisay Calata­gan, Ba­tangas.

Ayon sa pulisya, alas-9:10 ng umaga nang ma­katanggap sila ng tawag mula sa pamunuan ng nasabing resort hinggil sa pagkaka­tagpo sa wala ng buhay na biktima sa loob ng water tank dito.

Alas-8:30 ng umaga, naghahanda na sa kan­yang pagpipintura si Ro­del Mer­cado, sa mga ba­kal ng water tank nang may mapansing isang pares ng tsinelas sa ibaba ng tangke .

May nakita rin umano itong t-shirt na puti na na­ka­sabit sa bakal na hag­dan ng tangke.

Nakaangat umano ang takip ng tangke at nang ak­yatin ay dito na niya na­kita ang katawan ng lalaki.

Ayon kay Elvira Atien­za, supervisor ng resort, inakala lamang umano nilang absent ang biktima dahil hindi umano ito nag­luto ng almu­sal na araw-araw nitong gi­nagawa.

Naospital na rin uma­no ang biktima matapos umi­nom ng muriatic acid.