BUBUHAYIN ni Manila Mayor-elect Isko Moreno Domagoso ang pagpapakain ng nutribun at pagpapainom ng Klim milk sa lahat ng pampublikong mag-aaral sa elementarya.
Batid umano niya ang nararamdaman ng estudyanteng kumakalam ang tiyan pagpasok sa paaralan kaya titiyaking mabubusog ang mga batang Manilenyo sa paaralan.
Ang ibang magulang ay medyo abala din umano sa kanilang mga trabaho kaya sa pagmamadali ay hindi na napapakain ang mga anak sa pagpasok sa paaralan.
Habang ang iba namang mga bata ay talagang pumapasok sa paaralan na walang laman ang tiyan dahil kapos ang mga magulang sa pambili ng pagkain.