DEDO ang isang lineman matapos makuryente sa kanyang ginagawang poste ng kuryente sa Bgy. Maaliw, Pitogo, Quezon.
Alas-12:40 ng tanghali, abala sa pagkukumpuni ng mga linya ng kuryente sa municipal building si Bryant Aviles, 26, lineman ng Quezon Electric Cooperative I.
Nilalagyan umano ng tape ang bahagi ng live wire nang hindi nito napansin ang isa pang talop namang kuryente.
Aksidente niya itong nahawakan hanggang sa tuluyang nangisay sa lakas ng boltahe nito.
Mabilis siyang dinala sa pagamutan subalit, binawian din ito ng buhay.