Ang mababangis na hayop ay tutugisin ka.
Nanakawin ang iyong trono at sisirain ang iyong korona.
Sa kanilang mga mata’y huwag kang titingin
sapagkat pugad ng kasinungalinga’y iyong makikita.
Ika’y madaraya’t masisilayan
mga bagay sa sarili’y iyong kinamumuhian.
Panahon na upang sila’y harapin.
Ngunit, sa pakikibaka’y panatilihin ang distansiya
sa lugar kung saan ang mga mababangis na hayop ay naglalaro.
Kung sa saliw ng kanilang kanta’y makikisayaw,
ang iyong pagkatao’y kanilang sisirain at nanakawin ang iyong pag-aari.
Pagsapit ng dapit-hapo’y lalo pang magiging masahol.
Pagkatapos ng mahabang araw na hindi ka makalaban
habang lahat ng dungis mo’y kanilang idiniriin
kanilang ipinamumukha lahat ng iyong pagkukulang.
Panahon na upang sila’y harapin,
ngunit, ika’y lumaban nang malayo sa kanila,
malayo sa lugar kung saan sila naglalaro’t naghahasik.
Ang mababangis na hayop ay hahabulin ka.
Susubukang nakawin ang iyong trono’t korona.
Huwag kang padaraya sa mapanlinlang nilang mga mata
sapagkat sa iyo’y mapagkunwaring mukha ang ibubungad,
baka ika’y madala sa kanilang pagpapaawa.
Talasan ang mga mata, huwag magpalinlang at ‘wag makinig
sa bawat tabak ng salita nilang hindi nakasusugat.
Ito na ang panahon upang sila’y harapin
mga kasamaang kanilang sinimula’y dapat nang wakasan.
Magandang araw, mga bes! ‘Wag nang magpahuli sa trend at i-share na ang inyong #Hugot at i-confess mo na, bes ang matagal mo nang gustong aminin sa bagong column ng BULGAR na WHAT’S IN, KA-BULGAR? Ito na ang perfect timing para ma-publish ang laman ng inyong damdamin kaya mag-send na ng personal message sa aming official Facebook page – www.facebook.com/BULGAR.OFFICIAL. Hihintayin namin ang PM n’yo, mga bes, hindi ‘yung puro kayo na lang ang naghihintay sa wala. Char!