Sey ng experts... PAG-IYAK, GOOD SA MENTAL HEALTH!

Jersey Sanchez / Gulat ka 'noh?!

PARA sa karamihan, ang pag-iyak ay pagpa­pakita ng kahinaan, drama at kung min­san, eh, tinata­wag na at­tention-seeker ang in­dibid­wal na umiiyak sa harap ng ibang tao. Ba­gama’t, may ne­ga­ti­bong impre­syon ang pag-iyak, ayon sa mga eks­perto, mayroon itong ma­gandang naidudu­lot sa men­tal health at tra­baho. Wow!

Ayon kay Anne Krea­mer, journalist at resear­cher, ang pag-iyak ng in­di­bidwal sa harap ng iba ay maa­ari umanong magpa­kita ng compassion o pagka­habag nila sa indibidwal na umi­yak kung saan ito umano ay may ma­la­king epekto lalo na sa work­place.

Dagdag pa rito, mayroong impresyon ang karamihan na kapag umiyak ang indibidwal sa kanyang workplace, hindi siya makikitang management material, ibig sabihin, may ma­hi­na siyang personalidad, ngu­nit, base sa pag-aaral, lahat ng empleyado, mataas man o mababa ang posisyon ay nara­ranasan umanong umiyak sa trabaho.

Bagama’t, may koneksiyon sa kalungkutan ang pag-iyak, maaari rin umano itong ma­ging senyales ng frus­tration sa mga sitwasyon, par­tikular sa tra­baho. Dahil sa frustra­tion sa traba­ho, kailangan umanong mag-move on o kalimutan kaagad ang pa­kiramdan na ito, ngunit, ang pag-iyak ay nakapagpa­padali ng pagmu-move on, ga­yundin para ma-check ang iyong men­tal at emotional state.

Samantala, mayroon uma­nong scientific na dahilan kung bakit nakatutulong ang pag-iyak sa frustration sa trabaho.

Ayon sa American Academy of Op­thal­mology (AAO), kapag umi­yak ang indibidwal, nagre-re­lease rin umano ito ng prolac­­tin at leunkephalin, ang dala­wang hormone na may mala­king role sa pagre-regulate ng mood. Gayundin, ayon sa pag-aaral, ang response na ito ay nakatutu­long sa pagbabalik ng katawan sa neutral state post-cry.

Bagama’t, may magandang naidudulot ang pag-iyak sa trabaho, bago tuluyang gawin ito, mabuti umanong ikonsidera ang ilang bagay. Kabilang dito ang environment kung saan dapat mong alamin kung hindi maba-bother ang iyong mga katrabaho kapag nakita nila na umiiyak ka.

Gayunman, mayroong mga boss na ‘empaths’ o ‘yung may concern sa emosyon ng iba, partikular sa kanilang emple­yado. Ngunit, mayroon ding mga boss na hindi gaanong con­cerned sa emosyon ng emple­yado, kaya may po­sibilidad na husgahan nito ang indibidwal kapag na­kita nilang umiiyak ang mga ito.

Dahil dito, kung hindi aniya angkop sa environ­ment ng work­place ang pagiging emos­yunal, inirerekomenda ng mga eksperto ang pag-iyak sa pri­badong lugar tulad ng C.R, ga­yundin ang paglabas sa opisina para maglakad-lakad. Sa ga­nitong mga paraan, tuluyan mong mailalabas ang iyong emosyon at makababalik ka sa neutral state.

Oh, ayan mga besh, nga­yong alam na ninyo ang bene­pisyo ng pag-iyak, make sure na hindi na ninyo kikimkimin ang emosyon ninyo, ha? Tandaan, huwag i-invalidate ang inyong emosyon nang sa gayun ay hin­di ito maipon at biglang suma­bog.

Copy?