Beth Gelena / BULGARY FILES
KILALA si Yassi Pressman na hindi mapagpatol sa mga bashers. Kung sumasagot man siya sa mga ito ay idinadaan niya lang sa malumanay na reply.
Tulad na lang nang magsayaw silang dalawa ni Nadine Lustre nu’ng Sunday sa A.S.A.P. Natin ‘To. Matagal nang nagsasayaw ang aktres sa naturang variety show kung saan nakakasama pa niya sina Kim Chiu at Maja Salvador.
Pero nito lang Sunday, sa dami ng mapupuna sa Ang Probinsyano leading lady ni Coco Martin, ang napagtuunan ng netizen ay ang height ni Yassi.
Komento ng basher, short daw ang aktres, pandak kumbaga.
Aminado naman siyang hindi matangkad kaya diretsong sinagot ni Yassi in a nice way ang nang-bash sa kanya.
“@haulanawal Yes, I am 5’2 gurl, relax haha bakit may boo? We’re all different and we should love ourselves.”
Ipinagtanggol naman ng kanyang mga supporters at followers ang aktres. Bakit daw ang kakulangan niya sa height ang napansin ng netizen? Bakit ang height ni Maja ay hindi napapansin samantalang mas matangkad nang konti si Yassi kesa kay Maja?
Well, ang height nina Yassi at Maja ay magandang tingnan lalo kapag sila ay nasa dance floor, unlike sa mga matatangkad na masagwang panoorin kapag nagsasayaw lalo pa’t halatang trying hard.
Sina Yassi at Maja ay napakasarap panoorin habang nagsasayaw dahil very graceful. Look at Ate Vi, hindi siya matangkad pero angat na angat kapag nagsasayaw. Ganyan din sina Yassi at Maja, gifted sila to become a dancer.