KARAMIHAN sa atin ay kumakain ng isda, pero ang madalas na kinakain natin, eh, ‘yung laman at taba, pero knows ba ninyo na dapat ay kinakain din natin ang mga mata nito dahil ayon sa mga eksperto, ito umano ang pinakamasustansiyang parte ng isda.
Talaga ba?
Ayon sa mga eksperto, ang pagkain ng isda ay talagang maganda sa kalusugan dahil hindi ito tulad ng karne na mabigat sa tiyan.
Gayunman, sa pag-aaral ng mga researcher, sinabi nilang ang pinakamasustansiyang parte ng isda ay ang mga mata nito dahil punumpuno ito ng nutrients na mainam para sa ating kalusugan.
Samantala, para sa ibang dalubhasa na nag-aral din tungkol dito, wala umanong nutrisyong makukuha sa mga mata nito, pero kung kakain nito ay wala namang masama dahil hindi naman ito nakalalason o nakasasama, kumbaga, wala itong side-effects sa ating katawan.
Samantala, masustansiya o hindi ang mga mata nito, ipinapayo ng mga eksperto na mainam kung uugaliin nating kumain ng isda dahil mayroon itong Omega-3 fatty acid na epektibong panlaban sa iba’t ibang uri ng sakit tulad ng diabetes, heart disease, cancer at iba pa.
Kaya kung dehins natin gustong magkasakit, knows n’yo na, ha?
Dagdag pa rito, kung gustong maging malinaw ang mga mata, bukod sa pagkain ng kalabasa at carrots o ‘yung mga supplement na may optein at lutein, eh, kumain din ng mga pagkaing mataas ang citrus tulad ng orange, lemon, calamansi at marami pang iba.
Maliban pa rito, kung ayaw ninyong gumamit ng mantika sa tuwing kakain kayo ng isda, mainam kung ibe-bake o igi-grill ninyo ito. Sa ganitong paraan, tiyak na mas magiging healthy kayo, pero kung gusto ninyo ng malutong na balat ng isda, puwede namang gumamit ng olive, coconut at canola oil, oh, ‘di ba, bongga?
Kaya mga beshy, anumang paniniwala ang ating nalaman, mas better kung aalamin natin ang pinagmulan nang sa gayun ay hindi tayo maisahan. Char!
Have a beautiful and healthy life!
Gets mo?