ni Julie Bonifacio @Winner | Sep. 21, 2024
Nagkuwento na si Jericho Rosales tungkol sa hiwalayan nila ng misis niyang si Kim Jones sa interbyu sa kanya ni Karen Davila for her YouTube (YT) channel.
Although, hindi niya talaga sinabi ang buong detalye, as in kung ano ang tunay na dahilan at kung sino ang unang nagdesisyon na maghiwalay sila.
Nu’ng 2014, ikinasal sina Echo at Kim. Ini-reveal ni Echo na 2019 pa sila nagdesisyon ni Kim na tapusin ang kanilang relasyon. Pero nu’ng sumunod na taon ay pandemic, kaya nagsama pa rin daw sila ni Kim.
Nu’ng January this year lang, kinumpirma ni Echo na hiwalay na sila.
Pagse-share ni Echo, “Even before I thought, it’s gonna be impossible for us to know how people will understand this. How would they take this like you know, two people can be friends.
“But the whole ten years, she’s been my best friend, she’s helping me out with major decisions in life. Supporting my every major decision in life.
“She pushed me to go to Africa, to New York. She just pushed me and pushed and said, to grow, to have to find yourself.”
Sey ni Echo kay Karen, he’s restarting his life now at 45 after ng ten years na kasal sila ni Kim.
We wonder kung nagpa-annul na ng kasal sina Kim at Echo, kasi nakikipag-date na pala si Echo bago pa man niya niligawan ang co-star niya sa Kapamilya drama-series na Lavender Fields (LF) na si Janine Gutierrez.
Samantala, ikinuwento rin ni Jericho kung paano niya inumpisahan ang panliligaw kay Janine and it was thru script reading sa isang cafe resto. May dala pa raw iPad (tablet) si Echo, kung saan nandu’n ang script ng LF.
“Six hours later we never got to open the iPad. It ended up like Japanese food at 3 PM. And then, she went to her Lola, Pilita Corrales.
“And that’s it. Like, wow! I can spend six hours with this girl. That’s when I felt something,” tsika pa ni Echo.
At 45, feeling ni Echo na nagsisimula siya ulit sa buhay niya. Ang dami niyang gustong gawin like magkaroon ng podcast or a talk show.
Samantala, sa comment section ay may nagpakilala na netizen na kamag-anak ni Echo.
“Oh nice. My husband’s lost nephew whom they never saw grow. San Juan, Batangas, was where they hailed but after my husband’s cousin (Echo’s father) was jailed due to a drinking spree brawl, the mother left for Manila with her toddler to start a new life. Echo, as told by my husband (deceased), never got to know any of his father’s side. My husband’s name was Jonathan Rosales Rafols,” comment-post ng nagpakilalang misis ng uncle raw ni Echo.
Anyway, gabi-gabing panoorin ang Lavender Fields at 9:30 PM sa Kapamilya Channel, A2Z, TV5, iWantTFC, at Kapamilya Online Live sa YT channel at Facebook (FB) page ng ABS-CBN Entertainment.
Palabas din ito sa labas ng Pilipinas sa pamamagitan ng iWantTFC at The Filipino Channel (TFC) sa cable at IPTV.
Naka-unfollow na sa isa't isa…
HIWALAYAN NINA SUE AT JAVI, DAHIL SA 3RD PARTY
Pinangalanan ng isang netizen ang blind item na lumabas sa X (dating Twitter) tungkol sa aktres na hiwalay na sa boyfriend na pulitiko.
Narito ang eksaktong blind item sa X, “Chika sa primetime bida:
- Aktres, hiwalay na nga ba sa boilet na nasa pulitika at ipinagpalit sa mukhang paa?
- True nga ba na may nag-jaks sa loob ng bahay ni kuya?
- Aktres na tumatabo dati sa takilya, inayawan na ng mga producers ng pelikula!
Sa comment section ay marami ang nakasagot sa blind item number 1.
Sagot ng marami, “1, Sue Ramirez?”
Ang kilalang boyfriend na pulitiko ni Sue ay si Javi Benitez na mayor sa Victorias City, Negros Occidental.
Sey ng isang netizen, “Totoo ‘yung kay Sue Ramirez, wala na nga sila nu’ng Javi. Hindi naka-follow sa isa’t isa ata, check n’yo (laughing emoji) tsismosa talaga, LOL (laugh out loud).”
May tsika rin na third party ang dahilan ng hiwalayan diumano nina Sue Ramirez at Javi Benitez.
True kaya?
Comentários