DEDO ang walong taong gulang na bata makaraang masagasaan ng trak sa Sitio Man-it, Bgy. Sto. Angel, Dumalag, Capiz.
Maghahakot ng buhangin at bato ang trak na minamaneho ni Eufrosiño Moreno, Jr., 46, ng Bgy. Mianay, Sigma, Capiz nang bigla umanong sumakay sa gilid ng trak ang menor-de-edad.
Maaari umanong nadulas ito at nawalan ng balanse at nang mahulog ay nasagasaan. Dinala pa sa ospital ang biktima ngunit, idineklara itong dead-on-arrival.
Samantala, nag-usap na ang pamilya ng biktima at ang may-ari ng trak na nangakong tutulong sa pagpapalibing sa bata. (BRT)