Kaya ‘wag mo na raw initin ‘yan, lodi! KANING LAMIG, MAS MABABA ANG CALORIES!

Donna Thea Topacio / Gulat ka 'noh?!

MASARAP na­man talagang ku­main ng ka­nin kung mainit-init pa ito, pero knows ba ninyo na mas maraming health benefits ang maibibigay ng ka­ning lamig?

Weh, ‘di nga?

Ayon sa mga siyenti­piko, natuklasan nila na ang kanin na mayroong coconut oil na inilagay sa refrigerator bago kainin ay nagkakaroon ng maba­bang kalorya.

Kaya kung ang kanin ay nakatataba dahil sa natural na kaloryang tag­lay nito, kapag naging ba­haw o mal­amig na ito, tiyak na dehins na kayo magwo-worry sa timbang ninyo.

Samantala, ayon sa mga researcher mula sa Sri Lanka, ang kaloryang nababawas sa kanin ka­pag lumamig na ito ay umaabot sa 60 porsiyen­to, kaya kung hindi na­man tayo maarte o matitiis nating kumain ng kaning lamig, mas makabubuti ito sa ating kalu­sugan.

Gayunman, ang stra­chy foods tulad ng kanin na kilala bilang carbohy­drates ay isa sa mga pi­nagkukuhanan na­tin ng enerhiya.

Kaya im­por­­­tante talaga ito para sa lahat lalo na sa ating mga Pi­noy, ngunit, knows ba ninyo na nagiging asukal ang kanin kapag na-digest na ito ng ating intes­tines?

‘Yun ang dahilan kung bakit maraming dia­betic ang nagbabawas ng kanin na kanilang kina­kain kada araw.

Dagdag pa rito, hindi ma­gandang kuma­in ng mga tirang pagkain dahil matagal itong na­i-stored sa ating katawan at nagi­ging glu­cose.

At ang sobrang glu­cose sa katawan ay na­kasasama dahil ito ay na­giging taba.

Kaya para sa mga lodi natin diyan na dehins maarte at gusto nang mag­bawas ng timbang, kaning lamig na lang ang kainin ninyo para less hassle. He-he-he!

Gets mo?