ni Eli San Miguel - Trainee @News | November 9, 2023
Patay ang dalawa katao sa sunog na sumiklab sa isang residential area sa Barangay San Dionisio, Parañaque City, ngayong umaga ng Huwebes.
Ayon sa SPD, edad 40 na lalaki at 62-anyos na babae ang namatay.
Batay sa ulat ng Bureau of Fire Protection (BFP), nagsimula ang sunog alas-12:36 ng hatinggabi at umabot ito sa third alarm alas-12:54 ng hatinggabi.
Naapula naman ang sunog alas-3 ng madaling-araw.
Nasa 60 katao o 40 pamilya ang apektado matapos masunog ang higit-kumulang sa 20 bahay at establisimyento.
Sinabi ng BFP na nasa P75,000 halaga ng ari-arian ang nasira. Nagsimula umano ang sunog sa ikalawang palapag ng isang bahay.
Patuloy pang iniimbestigahan ang dahilan ng sunog.
Comments