'Pinas, itinanggi ang mga akusasyon ng China kadikit ng pagsira sa WPS

ni Angela Fernando @News | July 9, 2024

Itinanggi ng 'Pinas nitong Martes ang mga akusasyong ibinabato ng China, na ang BRP Sierra Madre, na barko ng bansa na nakatigil sa Ayungin Shoal sa West Philippine Sea, ay nakapinsala sa coral reef ecosystem sa nasabing lugar.

Sa isang pahayag, tinukoy ni Jonathan Malaya, tagapagsalita ng National Task Force - WPS (NTF), na ang China ang natagpuang nagdulot ng pinsala sa mga coral.

“The accusation against the Philippines by so-called ‘Chinese experts’ is false and a classic misdirection. It is China who has been found to have caused irreparable damage to corals. It is China that has caused untold damage to the maritime environment, and jeopardized the natural habitat and the livelihood of thousands of Filipino fisherfolk,” saad ni Malaya.

Matatandaang iniulat ng Chinese state-owned media na Global Times nu'ng Lunes na natuklasan ng mga eksperto ng China na ang BRP Sierra Madre ang nagdulot ng pinsala sa mga coral reef at environmental pollution sa South China Sea (SCS).

'Monster ship' ng China, dumaan sa El Nido, Scarborough Shoal

ni Eli San Miguel @News | June 26, 2024

Naobserbahan ang ‘Monster Ship' ng China na dumaraan sa mga tubig ng El Nido, Palawan at Scarborough Shoal sa West Philippine Sea (WPS), ayon sa isang eksperto nitong Miyerkules.

Tinatawag na ‘The Monster’ ang China Coast Guard (CCG) 5901, na dumaan sa Scarborough Shoal bandang alas-7 ng umaga, ayon sa dating opisyal ng US Air Force at dating Defence Attaché na si Ray Powell sa X (dating Twitter).

“Scarborough Shoal was CCG 5901's (The Monster) final visit in its intrusive patrol of the Philippines' EEZ," ani Powell. "It passed within 1-2 kilometers of the shoal at 0700 local time this morning," dagdag niya.

Sinabi rin ni Powell na dumaan ang ‘The Monster’ sa El Nido, Palawan noong Martes.

Nakita rin kamakailan ang barko ng China na dumaraan malapit sa BRP Sierra Madre sa Ayungin Shoal. Ito'y ilang araw matapos mawalan ng hinlalaki ang isang marinong Pilipino at masugatan ang ilan pa matapos atakihin ng CCG ang mga rubber boats ng Philippine Navy.

4 barko ng China, naispatan sa Palawan

ni Eli San Miguel @News | June 21, 2024

Kinumpirma ng Armed Forces of the Philippines na apat na Chinese navy warships ang naispatan 12 nautical miles mula sa Balabac Strait sa Palawan.

Nakita ang mga barko dalawang araw matapos na umatake ang Chinese Coast Guard (CCG) sa mga Pilipino na nagsasagawa ng resupply mission sa Ayungin Shoal sa West Philippine Sea.

Pito sa mga sundalong Pilipino ang nasaktan, kabilang na ang isang nawalan ng hinlalaki sa kamay. Sa pamamagitan ng Department of Foreign Affairs, tinutulan ng Pilipinas ang mga ilegal at agresibong aksyon ng mga otoridad ng China na nagresulta sa pinsalang pisikal sa mga tauhan at pagkasira ng sasakyang pandagat.