Warplanes ng China sa Taiwan, mas dumami

ni Eli San Miguel @World News | Sep. 26, 2024

Iniulat ng defense ministry ng Taiwan, ang pagdami ng mga warplanes ng China sa kanilang silangan, kanluran, at timog na baybayin. Nagpapahiwatig umano ito ng pagsisimula ng pag-atake ng China upang hadlangan ang tulong mula sa mga banyagang puwersa sa panahon ng posibleng digmaan.

Mula sa nakaraang limang taon, itinuturing ng Beijing ang Taiwan bilang bahagi ng kanilang teritoryo at nakaranas ito ng pagtaas ng military activity ng China.

Sa nakalipas na 24 na oras, 43 warplanes ng China ang na-detect, kung saan 11 ang tumawid sa median line ng Taiwan Strait.

Sa mga ito, 23 ang lumipad pa-timog sa pamamagitan ng Bashi Channel at kasama ang silangang baybayin ng Taiwan nang hindi pumapasok sa territorial airspace. Hindi naman agad nagbigay ng komento ang defense ministry ng China.

Mga kabataan, nagprotesta para aksyunan ang climate change

ni Eli San Miguel @Overseas News | Sep. 21, 2024

Naghanda ang mga aktibista para sa mga pandaigdigang protesta nitong Biyernes na humihiling ng aksyon sa climate change habang nagsisimula ang mga major events sa New York City.

Inorgisa ng youth-lead group na Fridays for Future, ang mga protesta sa mga lungsod tulad ng Berlin, Brussels, Rio de Janeiro, at New Delhi, kabilang ang isang martsa sa Brooklyn Bridge ng New York chapter, na naglalayong makakuha ng hindi bababa sa 1,000 tao.

Mayroon pang mga nakatakdang protesta ngayong Sabado at sa darating na Linggo. Nagho-host ang New York ng Climate Week NYC, kasabay ng talakayan ng U.N. General Assembly tungkol sa climate action at pondo para sa mga mas mahihirap na bansa na naapektuhan ng climate change.

Nagsimula ang mga climate protests ng kabataan noong Agosto 2018 nang si Greta Thunberg, na noo'y 15 taong gulang, ay nagdaos ng sit-in sa labas ng parlyamento ng Sweden upang humiling ng climate action at pagwawakas sa paggamit ng fossil fuel.

Resolusyon kontra okupasyon ng Israel sa Palestine, oks sa UNGA

ni Eli San Miguel @World News | Sep. 20, 2024

Inaprubahan ng United Nations General Assembly (UNGA) ang isang non-binding resolution noong Miyerkules, na hinihimok ang Israel na wakasan ang okupasyon nito sa teritoryo ng Palestine sa loob ng 12 buwan.

Naipasa ito ng 124 boto para sa pagpabor, 14 sa 'di pagpabor, at 43 abstensyon sa isang espesyal na sesyon na nakatutok sa mga aksyon ng Israel sa East Jerusalem at iba pang mga okupadong lugar. Iminungkahi ito ng State of Palestine at sinusuportahan ng mahigit 20 bansa.

Hinihiling ng resolusyon na sumunod ang Israel sa international law at sa mga desisyon ng International Court of Justice upang tapusin ang kanilang okupasyon sa loob ng isang taon..

Sa bagong resolusyon, nakasaad na, "[The UNGA] demands that Israel brings to an end without delay its unlawful presence in the Occupied Palestinian Territory, which constitutes a wrongful act of a continuing character entailing its international responsibility and do so no later than 12 months from the adoption of the present resolution."