69.82 milyon kaso na ang COVID sa buong mundo

ni Thea Janica Teh | December 12, 2020

Umabot na sa 69.82 milyong katao ang kumpirmadong positibo sa COVID-19 sa buong mundo at 1,588,088 dito ang pumanaw na, ayon sa tally ng Reuters ngayong Sabado.

Ang bilang na ito ay nai-report sa 210 bansa simula noong Disyembre 2019 na nagsimula sa China. Nangunguna pa rin sa pinakamataas na bilang ang US sa 15,598,872 at 292,642 ang namatay.

Sinundan ito ng India sa 9,796,769 kaso at 142,186 ang namatay; Brazil sa 6,781,799 kaso at 179,765 ang namatay; Russia sa 2,597,711 kaso at 45,893 ang namatay at France sa 2,351,372 kaso at 57,567 ang namatay. Nasa ika-27 naman sa listahan ang Pilipinas sa 447,039 kaso at 8,709 ang namatay.

COVID-19 vaccinations sa Israel, sisimulan na sa December 27

ni Ronalyn Seminiano Reonico | December 10, 2020

Sisimulan na ang Pfizer-BioNTech COVID-19 vaccinations sa Israel sa December 27, ayon kay Prime Minister Benjamin Netanyahu at nangakong siya ang unang Israeli na magpapabakuna.

Noong Miyekules, dumating na sa Israel ang unang 8 million doses sa in-order nila mula sa pharmaceutical giant na Pfizer. Saad ni Netanyahu, "This is a great celebration for Israel. "The first vaccinations will be given on December 27."

Aniya pa, "Tomorrow, another shipment is arriving, a much larger one. "I'm asking that every Israeli citizen be vaccinated, and to do so, requested to set an example and be the first person being vaccinated in Israel.”

Pfizer-BioNTech COVID-19 vaccine, aprub na sa Canada

ni Ronalyn Seminiano Reonico | December 10, 2020

Inaprubahan na ng Canada ang paggamit ng Pfizer-BioNTech COVID-19 vaccine noong Miyerkules. Saad ng Health Canada, "The data provided supports favourably the efficacy of Pfizer-BioNTech COVID-19 vaccine as well as its safety.

"The efficacy of the vaccine was established to be approximately 95 percent. The vaccine was well tolerated by participants and has no important safety concerns. The benefit-to-risk assessment for Pfizer-BioNTech COVID-19 vaccine is considered favourable."

Pahayag ni Canadian Deputy Chief Public Health Officer Howard Njoo, “At last we have a reason to feel optimistic and excited about returning to the lives we led pre-COVID.”

Paalala naman ni Prime Minister Justin Trudeau, “It doesn’t mean we can let our guards down.”

Samantala, naaprubahan man, hindi pa rin sigurado kung gaano katagal ang efficacy ng Pfizer vaccine kaya magsasagawa pa rin umano ng "risk management plan" ang Health Canada upang ma-monitor ang tagal ng bisa nito at makakalap ng iba pang data para rito.