Libu-libong babae sa Brazil, nagprotesta laban sa ‘abortion ban’

ni Eli San Miguel @Overseas News | June 16, 2024

Libu-libong babae ang nagprotesta sa Brazil laban sa isang panukalang batas sa Kongreso na magmamarka ng abortion pagkatapos ng 22 linggo bilang homicide, na may sentensya na anim hanggang dalawampung taon sa bilangguan.

Nagmartsa ang mga nagpoprotesta sa Sao Paulo sa Paulista Avenue na may mga banner na sumasalungat sa panukalang ito, na itinuturing na pinakamahigpit na hakbang sa reproductive rights ng kababaihan sa loob ng maraming mga dekada.

Sa Brazil, pinapayagan lamang ang abortion sa mga kaso ng rape, fetal deformity, o para iligtas ang buhay ng ina.

Maaaring gawing homicide ang abortion na resulta ng panggagahasa, dahil sa isang bagong panukalang batas na sinusuportahan ng mga evangelical lawmaker.

Kumokontra ang mga feminist groups sa panukalang batas, at sinasabing nagtatakda ito ng mas mabigat na parusa kaysa sa mga rapist. Maaaring magdulot ang mabigat na batas sa abortion sa Brazil ng hindi ligtas at ilegal na mga abortion at maling mga prosedura, na sanhi ng dosenang pagkamatay taun-taon.

Opisyal ng Hamas, may inihirit sa usaping tigil-putukan

ni Angela Fernando @World News | June 14, 2024

Nagsalita na ang isang opisyal ng Hamas at sinabing walang may alam kung ilan sa kanilang mga hostages na Israeli ang buhay pa at ang anumang kasunduang palayain sila ay dapat maglaman ng garantiyang permanenteng ceasefire at ang kumpletong pag-atras ng mga pwersa ng Israel mula sa Gaza.

Ang tagapagsalita ng Hamas at miyembro ng political bureau na si Osama Hamdan ay nagbigay ng pananaw hinggil sa posisyon ng kanilang samahan sa mga nakabinbing usapin ng tigil-putukan, isang opinyon kung nagsisisi ba ang Hamas sa kanilang desisyon na lumaban sa Israel sa gitna ng patuloy na pagtaas ng bilang ng mga namamatay na Palestinian.

Pinaniniwalaan ng United States na ang Hamas ang may hawak ng susi sa mga usapan. Binigyang-diin na rin ng US Sec. of State na si Antony Blinken sa NBC nu'ng Huwebes na kailangan ng huminto ang giitan at nananawagan sa chief ng Gaza na si Yahya Sinwar, na tapusin na ang digmaan.

Matatandaang sinabi ni Hamdan na ang pinakabagong alok ng Israel na unang inihayag ni US Pres. Joe Biden nu'ng Mayo ay hindi angkop sa hinihingi ng kanilang grupo.

Kinumpirma ni Hamdan na kailangan ng Hamas ng malinaw na posisyon mula sa Israel upang tanggapin ang alok na tigil-putukan, isang kumpletong pag-atras mula sa Gaza, at hayaan ang mga Palestino na magtakda ng kanilang sariling kinabukasan at magiging handa ang grupong pag-usapan ang isang makatarungan deal tungkol sa palitan ng mga bihag.

100 patay sa tag-init sa India

ni Eli San Miguel @Overseas News | June 4, 2024

Pinaniniwalaang nagdulot ang matinding tag-init sa India ng higit sa 100 na pagkamatay at nag-iwan ng libu-libong may sakit, ayon sa mga opisyal at ulat ng media.

Simula noong Marso, umabot ang temperatura sa 50 degree Celsius (122 F) sa Delhi at kalapit na Rajasthan noong Mayo.

Hindi bababa sa 30 katao ang namatay sa heatstroke sa silangang estado ng Odisha sa India, ayon sa disaster management authority ng estado noong Lunes.

Halos 25,000 katao naman ang nagdusa sa hinihinalang heatstroke sa kasagsagan ng tag-init sa India mula Marso hanggang Mayo, ayon sa ulat ng ThePrint.

Bukod dito, naitala rin ang mga pagkamatay sa hilaga at kanlurang bahagi ng India, kung saan lalong tumindi ang tag-init noong nakaraang buwan sa panahon ng pambansang eleksyon.