North Korea, nagpaputok ng ballistic missiles

ni Eli San Miguel @World News | July 1, 2024

Inihayag ng militar ng South Korea na nagpaputok ang North Korea ng isang short-range ballistic missile at isa pang ballistic missile ngayong Lunes.

Pinaputok ang unang short-range ballistic missile patungong hilagang silangan, bandang 5:05 ng madaling-araw (2005 Sunday GMT) mula sa malapit na bahagi sa Changyon, South Hwanghae Province sa North Korea.

Sinabi ng Joint Chiefs of Staff ng South Korea na natuklasan ang isa pang 'di natukoy na ballistic missile, bandang 5:15 ng madaling-araw mula sa parehong lugar. Pumutok ang unang missile ng mga 600 kilometro (373 milya).

Pumutok naman ang pangalawang missile ng mga 120 kilometro. Ayon pa sa pahayag, pinag-aaralan ng South Korea at ng United States ang launching ng mga ito.

Noong Linggo, kinundena ng North Korea ang isang joint military exercise ng South Korea, Japan, at United States na ginanap noong nakaraang buwan at nagbabala ng nakababahalang tugon laban sa gayong mga pagsasanay.

U.S., oks ibenta ang $360M armas sa Taiwan

ni Eli San Miguel @World News | June 19, 2024

Inaprubahan ng US State Department ang potensyal na pagbili ng Taiwan ng mga drone at missile na nagkakahalaga ng mga $360 milyon, ayon sa pahayag ng Defense Security Cooperation Agency ng Pentagon.

Sa kabila ng kakulangan ng opisyal na ugnayan sa diplomasya, legal na obligado ang United States na magbigay ng mga paraan sa Taiwan upang ipagtanggol ang teritoryo nito, na inaangkin ng China.

Nitong nakaraang buwan pagkatapos ng inagurasyon ni Lai Ching-te bilang pangulo, nagtaas ng militar na presyon ang China laban sa Taiwan, kabilang ang pagsasagawa ng 'war games' sa paligid ng isla.

Nagpasalamat naman ang defense ministry ng Taiwan, lalo na sa mga pagsisikap ng U.S. na dagdagan ang mga pagbebenta ng armas sa isla.

Malakas na hangin, nagdulot ng sunog sa Los Angeles

ni Eli San Miguel @World News | June 17, 2024

Lumakas ang sunog sa mga bundok malapit sa Interstate 5 sa hilaga ng Los Angeles dahil sa malakas na hangin noong Linggo, na nagdulot sa mga opisyal na magbabala sa mga residente na maging handa kung sakaling kailanganin na mag-evacuate.

Mabilis na kumalat ang unang malaking wildfire sa Los Angeles County ngayong taon, na lumampas na sa 19 square miles (40 square kilometers) isang araw matapos ilikas ang hindi bababa sa 1,200 campers, off-roaders, at hikers mula sa Hungry Valley recreation area.

Gumagalaw ang mga apoy patungo sa Pyramid Lake, isang sikat na lugar na ipinasara sa Father's Day bilang pag-iingat. Walang mga bahay ang nanganganib noong Linggo, ngunit nagbabala ang mga opisyal sa mga residente ng Castaic, mga 19,000 katao, na maging handa na mag-evacuate kung gumalaw ang apoy patungo sa timog.