Idiniin na siya ang biktima… POKWANG SA NETIZENS: SI LEE ANG I-UNFOLLOW N'YO, 'WAG AKO!

ni Julie Bonifacio @Winner | March 1, 2023

Speaking of “unfollow,” kinorek ni Pokwang ang isang item na lumabas sa isang tabloid tungkol sa pagbawas ng kanyang mga followers on her socmed accounts.

Marami raw ang nag-unfollow kay Pokwang dahil sa mga banat niya sa ex-partner na si Lee O'Brian.

Tweet ni Pokie, “Ha????? Sa pagkakaalam ko, 3M pa rin followers ko sa IG at ganu'n pa rin, 2.6M pa rin sa Twitter, ahhahahahaa, baka fake account 'yang sinasabi n'yo?”

Paliwanag pa ni Pokie, pagdating sa kanyang Facebook, naka-private raw ito at friends lang niya ang nakaka-access dito.

Pero si Lee raw ang nabawasan ng mga followers from 231K, naging 217K na lang.

Pero may isang netizen ang nag-post ng reply sa tweet ni Pokie, “Hello po! Isa ako sa nag-unfollow sa inyo. Siguro, iilan lang kami kaya hindi n'yo po ramdam. Nag-unfollow po ako sa inyo dahil ayoko na nakikita kayong nasasaktan. Siguro, nasanay din lang ako na strong Pokwang at hindi sa Pokwang ngayon na nasasaktan din pala. Be well po. God bless!”

Nag-reply si Pokie sa mensahe ng netizen, “I-unfollow n'yo 'yung nanakit, hindi 'yung nasaktan."

Nagpakita naman ng assurance ang ilang fans/followers ni Pokie na ‘di nila iniwan ang komedyana.

“Nandito po kami, tahimik man o maingay, na masugid na sumusuporta sa inyo.”

“Still here, Mamang. Support sa 'yo.”

'Yun naman pala!

'Pinas, pinasama raw ang image… ROBIN: PLANE MOVIE, IBOYKOT AT IPATIGIL SA MGA SINEHAN!

ni Julie Bonifacio @Winner | February 17, 2023

Pinalagan ni Senador Robinhood Padilla ang konteksto ng paglalarawan sa mga Pinoy sa foreign film na may titulong Plane. Kaya, hiniling niya sa Senado na ipatigil ang pagpapalabas sa pelikulang ito na pinagbibidahan ng sikat na Hollywood action star na si Gerard Butler.

Ang kuwento ay tungkol sa isang international plane called Trailblazer na nag-force landing sa bandang Davao nu’ng aksidenteng tamaan ng kidlat ang eroplano.

"Alam n'yo po, napakasakit," saad ni Sen. Robin.

“Dito sa pelikula, sinasabi na ang atin pong awtoridad ay naduwag na sa mga rebelde. Hindi na po sila umaaksiyon.

"At sinabi pa rito, ‘They went down somewhere down in the Jolo cluster. It’s run by separatists and militias. The Filipino armies weren’t there anymore.’"

Suhestiyon ni Sen. Robin sa Senado, hindi raw dapat tanggapin ang ganitong uri ng pelikula sa ating bansa.

"Sana po, nakikiusap ho tayo sa ating MTRCB na sana po, sa mga ganitong ganap, kumakatok po tayo sa opisina nila. Hindi po ito dapat ipinapalabas sa Pilipinas. Dito po dapat sa ating bansa, ipinagbabawal ito at kino-condemn po natin ito.”

Agad namang sumagot ang MTRCB sa panawagan ni Robin at naglabas sila ng official statement, "We acknowledge the sentiments expressed by our honorable Senators concerning the film, Plane.

Although the film is fictional, we still would not want our country to be portrayed in a negative and inaccurate light. The MTRCB will re-evaluate the film in view of their concerns and will take all necessary measures if found to be in any way injurious to the prestige of the Philippines or its people."

Iba naman ang naging pananaw ng mga bashers ni Sen. Robin.

“Robin Padilla 'pag may bumagsak na eroplano sa parteng 'yan ng Pilipinas. 80% puwede naman talagang mangyari 'yan! 'Wag na magmalinis. MIM n'yo nga, pilit n'yong inilabas sa buong mundo.”

“Nakakatawa naman 'to. Movie lang 'yun, sa Tagalog, eh, kathang-isip, istorya lang. Mas matindi pa nga 'yung totoong nangyayari. Konting utak naman sana.”

“Eh, sa mga pelikula mo, ok lang? 'Di kasi siguro pang-international. Instead mag-focus sa mga issues na mas nakakaapekto sa sambayanan, 'yan pa talaga inatupag. Dami namang time mag-movie marathon. The No. 1 senator everyone."

“Hay naku, sa napakadaming problema ng bansa, 'yung Plane talaga binigyan niya ng oras."

“Pelikula lang 'yan, kathang-isip. Ang daming mas mahalagang dapat seryosohin, Sir. Ang daming dapat asikasuhin. Sayang naman ibinabayad naming buwis.”

‘Yun na!

Hinahabol dahil sa pera… LUIS, NAGLABAS NA NG SARILING PERA SA MGA INVESTOR, GINIGIPIT PA

ni Julie Bonifacio @Winner | February 15, 2023

Humiling ng ilang araw na palugit ang kampo ni Luis Manzano bago humarap sa National Bureau of Investigation (NBI) pagkatapos ipadala sa TV host ang subpoena para sa ginagawa nilang imbestigasyon sa kontrobersiya ng Flex Fuel.

Narito ang parte ng nakasulat sa subpoena: "Under and by virtue of the authority vested in me by Republic Act No. 10867, you are hereby commanded to be and appear in the CRIMINAL INTELLIGENCE DIVISION (CRID), National Bureau of Investigation, V-Tech Tower, Araneta Ave., corner Maria Clara St., Quezon City at 10:00 a.m. on the 13th day of February 2023, then and there to give your evidence in a certain investigation to be held at that time and place, conducted by the undersigned. Re: Investigation being conducted on alleged ESTAFA against you."

Maraming netizens ang nakisimpatya kay Luis.

“Wawa naman si Luis. He’s one of the nicest people in showbiz. I know he will overcome this. But this must be so stressful for him right now.”

“Sana maayos na.”

“You’ll get through this Luis. God is good and the truth will always prevail.”

May naawa pa kay Luis na netizen dahil dapat ay nagse-celebrate siya ngayon ng kanyang pagiging ama, at the same time, Valentine’s Day pa kahapon.

At least, nakapag-post pa si Luis ng Valentine greetings para sa misis niyang si Jessy Mendiola.

“Before Peanut, it will always be the Howhow’s. Happy Valentine's. Wowow, love you,” caption ni Luis sa IG post niya noong Valentine’s Day.

Baka nga isa sa mga rason kaya humingi ng ilang araw na palugit si Luis sa NBI ay dahil sa selebrasyon ng Valentine’s Day, since first V-Day nina Luis at Jessy with their baby na si Isabella Rose or si Baby Peanut.

Also, kailangan ding mag-prepare ni Luis at ng legal team niya ng lahat ng necessary documents bago humarap sa NBI.

Tanong ng netizen, “Nasa'n ba ang may-ari niyang kumpanya na 'yan? Bakit si Luis lang ang parang sinisisi nila? Kawawa naman, bagong panganak ang asawa. Tsk-tsk!”

Sa true lang, dapat ang kumpanya/executives ng Flex Fuel ang tinatawagan ng pansin o inire-report ng mga investors at 'di si Luis, since ‘di na bahagi si Luis ng kumpanya.

Nakakalungkot lang, may mga investors pala ang tinulungan ni Luis na siya pang nang-iipit diumano ngayon sa mister ni Jessy.

May isang investor pa nga raw na nangailangan ng pera pero walang maibigay na dibidendo ang kumpanya kaya lumapit kay Luis at binigyan naman ng TV host ng sarili niyang pera.

Say pa ng netizen, “Luis is/was the Chairman of the Board. He & the rest of the board has fiduciary duty to the investors. The CEO reports to the board of directors.”

Dapat ganu'n. Kaya lang, ayon sa aming source, si Luis pa mismo ang humihingi raw ng report sa CEO pero wala itong maipakita. Pati ilang investors na humingi ng tulong kay Luis ay tinulungan na niya na ilapit sa CEO para gawan ng paraan.

“Wala naman siyang kaso at this point. Subpoena pa lang naman. Even witness sa isang crime are subpoenaed by court if they want to hear from them.”

“Bakit tatakas ba si Luis? Hindi naman, ah. 'Di ba, siya pa ang nagpaimbestiga sa NBI?”

May nagreak din na netizen na tila kinokorek ang report ng DZBB na dalawang araw ang hinihinging palugit ni Luis sa NBI.

“I dont know where DZBB got this 2 days. They were asking for two weeks, actually 15 days.”

'Yun na!