Magkasama pa nu'ng V-day... ECHO, HIWALAY NA RAW KAY KIM

ni Julie Bonifacio @Winner | April 2, 2023

Another hiwalayan issue ng isa pang kilalang celebrity couple ang nakarating sa amin this week.

May nagtsika sa amin na hiwalay na raw ang aktor na si Jericho Rosales sa misis niyang si Kim Jones.

'Yan daw ang naging usap-usapan ng mga um-attend sa isang event ni Echo. May mga naghanap daw kasi kay Kim sa naturang event ng aktor.

Hanggang sa may nagsabi na hiwalay na nga raw ang dalawa. Matagal na raw naka-based sa US si Kim, habang si Echo naman ay nag-stay sa 'Pinas.

Matagal na ngang nababalita ang isyung hiwalayan ng mag-asawang Echo at Kim. Pero, ilang ulit na rin nilang napatunayan na 'di true ang tsika.

Sa Instagram account ni Echo ay makikita na magkasama pa silang nag-celebrate ni Kim ng Valentine’s Day this year.

Although, mukhang nag-lie-low na muna si Kim sa kanyang mga social media accounts dahil ang last post na makikita sa kanyang Instagram ay noong May, 2022 pa.

Sad lang siguro ang mga fans ni Echo na hanggang ngayon ay wala pa rin silang anak ni Kim.

Although, mayroon naman nang binatang anak si Echo with his past relationship during his younger years.

Pero, gusto pa rin daw sana ng mga supporters ni Echo na magkaanak siya sa asawa (or ex-wife?!) na si Kim.

Sayang naman ang magandang lahi!

Wedding ring, 'di na suot... PRISCILLA, HINIWALAYAN NA SI JOHN

ni Julie Bonifacio @Winner | April 2, 2023

Kitang-kita ang lungkot sa mga mata ni former 2004 Miss Earth Priscilla Meirelles sa kanyang larawan na ipinost sa Instagram Story two days ago.

Parang nakatulala, walang glow at matamlay ang kanyang mga mata kahit nasa tabi niya ang anak nila ng mister niyang si John Estrada na si Anechka sa loob ng kotse.

Kahapon naman ay muling nag-post si Priscilla ng larawan kasama ang anak habang sila ay magkatabi sa loob ng sasakyan.

Pero, mapapansin agad ang isang kamay ni Priscilla na may suot na singsing na tila ito ang engagement ring na ibinigay sa kanya ni John.

Sa mga posts na 'yun ay mage-gets agad na may mga ipinahihiwatig si Priscilla hinggil sa kumakalat na kontrobersiya at isyu sa pagsasama nila ni John.

Wala na ang wedding ring sa daliri ni Priscilla at engagement ring (kung 'di kami nagkakamali) na lang ang kanyang suot.

Ibig sabihin kaya nito ay tuluyan na ngang nakipaghiwalay si Priscilla kay John?

At ang engagement ring na suot pa rin niya ay paalala na lamang sa isang matamis na pangako na pinaniwalaan niya noon.

May mga kuda rin si Priscilla sa social media na sila na lang ng kanyang anak ang magsasama sa buhay.

Caption ni Priscilla: "Sometimes you just have to throw on your crown and remind them who they're dealing with."

Sa ibaba ng caption niya ay may pa-hashtag pa siya para sa kanila ni Anechka na: "I got your back" at "Women empowering women."

Socmed ng aktres, gamit na gamit… KC, NAGBABALA SA FANS NA BINIBIKTIMA NG IMPOSTOR NIYA

ni Julie Bonifacio @Winner | March 3, 2023

Nag-warning na si KC Concepcion sa kanyang mga fans and followers kaugnay ng impostor na gumagamit ng kanyang mga social media accounts.

Ini-reveal ni KC sa kanyang latest Instagram post na ang naturang impostor ay nakikipag-chat sa mga biktima niya via private conversation.

Caption ni KC, “Hi loves! I hear there are impostors going around pretending to be me, via "private" SOCIAL MEDIA/email/phone accounts. THAT IS NOT ME, reaching out to fans and followers on social media "IN PRIVATE" via unofficial accounts. Please do not engage in conversation with any posers or those pretending to be me. There is only one!!!”

Ini-request ni KC sa kanyang mga fans and followers na hintayin ang kanyang announcements pagkatapos ayusin ang kanyang mga accounts.

“I will personally announce and let you know when we come up with NEW handles for you to enjoy. For now, stay vigilant and especially be careful not to provide personal information to non-official KC accounts/handles! All! Love you,” panawagan ni KC.

Nagpasalamat naman ang mga netizens sa paglilinaw na ginawa ni KC.

“There are many fake accnts pretending to be impostors. I can relate because my accnt is used also by other people. people have no other work in life.”

“They are everywhere. Good that you openly declare it!”

Samantala, sa isa pang IG post ni KC ay ipinakita niya ang pictures nila ng younger sister niyang si Samantha Concepcion, anak ng kanyang ama at aktor na si Gabby Concepcion sa current wife niya na si Genevieve Yatco Gonzales.

Caption ni KC sa IG pictures nila ng kanyang sister, “Sisters making new memories together.”

Napansin agad ng mga netizens ang pagkakahawig nina KC at Samantha.

“Xerox copy ang magkapatid.”

Comment pa ng isang netizen, “Back to basics - love, family, nature & polaroids.”

Reply ni KC sa comment ng netizen, “The true important things in life."

Ano kaya'ng masasabi ni Megastar Sharon Cuneta rito?