Nawalan ng upuan sa eroplano… SIGAW NI VICE: PAL, PALPAK, PERA-PERA!

ni Julie Bonifacio @Winner | October 26, 2023

Napalitan ng lungkot ang masayang bakasyon ng It’s Showtime host na si Vice Ganda sa Bangkok, Thailand pabalik ng Pilipinas.

Muntik na kasing ‘di makasakay sa eroplano si Vice at ‘di makasama ang partner na si Ion Perez pabalik ng Pilipinas.

Tweet ni Vice, “GRABE KA @flyPAL!!! Grabeng pang-aabala at perhuwisyo ang idinulot mo sa masaya sanang trip na ito!!!

“Bakit kayo ganyan??? Ilang beses n'yo kaming pinaranas ng overbooking sa puntong 'di nakasakay ang kasama namin.

“Ngayon, ako naman ang nawalan ng upuan! (angry face emojis)”

Nagkaroon daw ng overbooking ang PAL.

“Sistema n'yo na ba talaga ang overbooking @flyPAL??? Alam n'yo ba kung gaanong stress ang idinudulot n'yo sa pasaherong 'di nakakasakay sa binook at binayaran niyang flyt? May damdamin pa ba kayo ng malasakit para sa pasahero? Pera pera,” tweet pa ni Vice.

Inamin din niyang naiyak siya habang tumatakbo para makaabot sa flight niya pabalik ng Manila.

“Si Ion, inabutan kong mukhang kawawang nasa pinto ng eroplano dahil ayaw niyang sumakay kung 'di ako makakasakay. 'Yun ang ginawa n'yo sa amin. @flyPAL,” say pa ni Vice.

Nagulat ang mga netizens sa mabilis na pag-reply ng PAL sa tweet ni Vice. Humingi ng paumanhin at nagpaliwanag ang PAL sa Unkabogable Star.

Sa kabila nito, ‘di pa rin napahinahon ang galit ni Vice sa PAL. At bagkus, ini-retweet niya ang reply ng PAL sa kanya na pinabulaanan ang paliwanag sa kanya sa nangyaring “overbooking.”

Tweet pa ni Vice, “Hindi 'yan ang sinabi sa 'kin sa counter! Ang sabi ng staff, ‘THE FLIGHT WAS OVERBOOKED AND MY SEAT WAS GIVEN TO ANOTHER PASSENGER.’

“MAG-BATO-BATO PICK NA LANG KAYO NG STAFF SA COUNTER KUNG SINO SA INYO ANG PAL-PAK! 'YUNG PANALO, LIBRE KO NG ROUND TRIP TICKET VIA CATHAY PACIFIC!”

Hala!

ZEINAB, UMAMING DYOWA NA SI BOBBY PARKS

ni Julie Bonifacio @Winner | June 23, 2023

Dalawang beses na-postpone ang guesting ng sikat na vlogger na si Zeinab Harake sa afternoon talk show ng King of Talk na si Boy Abunda sa GMA-7, ang Fast Talk with Boy Abunda.

Hindi naman ito dahil nag-feeling star at nag-a-attitude na si Zeinab.

Kuwento ng vlogger, nag-locked jaw siya dahil 'di balanced ang kanyang katawan. 'Yun daw ang naging epekto ng masyadong napupuwersa ang isang side ng kanyang katawan.

Isa sa mga rason nito ay ang madalas na pagbubuhat niya sa kanyang bunsong anak.

Say naman ng katsika naming showbiz kibitzer, ‘di raw kaya epekto ‘yun ng bagong retokeng set of teeth ni Zeinab ngayon?

Halata at mapapansin talaga ang bagong ayos na mga ngipin ni Zeinab. At okey lang naman ito dahil nag-aartista na rin siya ngayon.

Saka, lalong ikinaganda ng vlogger ang mga bago niyang ngipin, huh? Artistang-artista na talaga ang datingan ni Zeinab.

And for sure, pagkamahal-mahal ng pagpapagawa ni Zeinab sa kanyang mga ngipin. Sa laki ng kinikita nito sa pagba-vlog niya, according to her, umaabot sa seven digits sa isang buwan ang kanyang kinikita, kering-keri niya kahit ilandaang libong piso pa ang gastusin niya, ‘noh!

When asked sa interview kung ano ang idudugtong niya sa phrase na “Ako si Zeinab…,” sabi ng sikat na vlogger, hinding-hindi na raw siya maghahabol sa taong hindi worth ang pagmamahal niya, na tipong may patama sa dati niyang karelasyon at ama ng kanyang mga anak na si Skusta Clee.

And during her live guesting sa Fast Talk ay kasama ni Zeinab na dumating sa studio ang basketbolistang si Bobby Ray Parks, Jr..

Dito ay proud na inamin ni Zeinab kay Kuya Boy na sila na ni Bobby.

Pahayag ng vlogger, “Natutuwa ako na kami na kasi parang hindi boyfriend ang nakita ko.”

Pero pinigilan ni Zeinab ang sarili sa mga papuri pa niya kay Bobby dahil aniya, baka raw mausog ulit ang kanyang love life.

“He’s really a good man po kasi at pinatunayan naman po niya sa akin na hindi ko na kailangang ipagtanggol ang sarili ko. Meron nang magtatanggol sa akin,” ngiti ni Zeinab.

Sana nga.

Pati anak na si Elias… JOHN LLOYD, TANGGAP NA RIN NG PARENTS NI ISABEL

ni Julie Bonifacio @Winner | June 15, 2023

Ibinahagi ng girlfriend ni John Lloyd Cruz na si Isabel Santos ang ilang larawan na kuha sa isang restaurant sa kanyang Instagram last Tuesday.

Sa kanyang IG Story, makikitang magkasama sila ni John Lloyd sa isang resto. Present din ang anak ng aktor kay Ellen Adarna na si Elias, pati na rin ang pamilya ni Isabel na pinangungunahan ng kanyang mga magulang na sina Soler and Mona Santos na

parehong pintor.

Dahil may birthday cake emoji rin sa naturang IG post ni Isabel, puwedeng i-assume that it was a dinner celebration for her birthday.

Ipinanganak si Isabel nu’ng June 11, 1990. So, this year, 33 years old na siya habang si John Lloyd naman ay turning 40 years old na sa darating na June 24. Kung ganu’n, sakto lang pala ang age difference ng magdyowa na parehong artists.

Ang tatay ni Isabel na si Soler ay anak ng National Artist na si Mauro “Malang” Santos.

Pagmamay-ari rin ng tatay ni Isabel ang Wear Gallery sa Kyusi kung saan ini-launch ang unang solo exhibit ng aktor noong 2019. Kaya, alam na kung pasado o hindi si Lloydie sa pamilya ng kanyang GF.

Habang si Isabel naman ay nagtapos ng European Studies sa Ateneo de Manila University. Nanalo rin siya sa Uniqlo's UT Grand Prix t-shirt design contest noong 2021.

Tinalo niya ang more or less 10,000 entries at tumanggap siya ng P1.5M as cash prize.

Ipinasilip ni Isabel sa kanyang IG ang collection ng mga damit na ginagawa niya.

Malamang ay maglulunsad na rin siya ng kanyang sariling clothing line. Mahilig din kasi siya sa fashion.

Bukod doon, ipinakita rin ni Isabel ang litrato ng bonding niya kasama sina John Lloyd at Elias sa isang bahay kung saan ay naroon din ang mga beloved pets ng dalaga.

Caption ni Isabel: “My Christmas in June.”

Reaksiyon ng netizen sa IG post ni Isabel, “Ang artsy ng couple na ‘to.”

Waiting na lang ang mga netizens kung kailan magpo-propose si John Lloyd ng kasal kay Isabel. After all, nasa tamang edad na sila at parehong accomplished artists.

Malay natin, baka next year ay may wedding bells na. Hehehehe!