Sa most expensive private resort sa buong mundo… P5.7 M PER NIGHT, BAYAD PARA SA PICTORIAL NI LIZA

ni Julie Bonifacio @Winner | May 6, 2024

Photo: Liza Soberano

Pinagtsitsikahan ang latest post ni Liza Soberano sa kanyang Instagram kahapon. 

Hindi ang suot na sexy swimwear ang topic ng kanilang discussion but the place kung saan kuha ang mga larawan ni Liza na kanyang ipinost.    

Kuha pala ang mga larawan ni Liza sa pictorial sa kanyang ini-endorse na sunscreen brand.    

Sa IG post ni Liza, makikita ang lugar o name ng beach resort kung saan kuha ang mga larawan. Ito ay sa Banwa Private Island na pinakamahal na beach resort ‘di lang sa Pilipinas kundi sa buong mundo.    

“Banwa is the most expensive resort in the WORLD! Wow!”

“Really it’s expensive than Amanpulo?” komento ng ilang netizens.   

Nagkakahalaga raw ng $100,000 per night ang bayad sa Banwa, na kung iko-convert sa peso ay tumataginting na P5.7 million.   

“5.7 M per night. Bakit kaya ganu’n kamahal?”    

“Yes, it's more expensive than any resort in Maldives, in the Caribbean, any resort in France, Italy. IT’S THE MOST EXPENSIVE RESORT IN THE "WORLD". Cost 100 thousand US dollars per night or 5.7 million pesos per night.”

“Wow, is this located in the Philippines?” 

“It’s a private island in Palawan.”  

Nakaka-wow talaga ang Pilipinas!

TONY, TINAWAG NA 'CLOSETED ARTIST' NG BASHER

ni Julie Bonifacio @Winner | May 1, 2024

Photo: Tony Labrusca

Sinupalpal ng ilusyunadong basher ang aktor na si Tony Labrusca. Idinaan pa nito sa isang blind item (BI) sa social media ang ilusyon niya kay Tony.

Pero sa bandang huli ng kanyang naka-post na BI ay kulang na lang, pangalanan niya kung sino ang kanyang tinutukoy.

Post ng basher ni Tony, “No, not this closeted artist who's here in Cebu flirting with me with a sticky and nasty look at barrio last Saturday.

“Also, all the rumors were true after all.”

Dagdag nito, “How glorious.”

Oh, ‘di ba, giveaway na giveaway na ang tinutukoy niya sa kanyang blind item? Si Tony ang bida sa BL series na Glorious.

Well, comment naman ng isang netizen, “Sinabi kasi, glorious, sino pa ba? Nag-react ka na agad at parang tiningnan ka lang, blind item mo na agad ‘yung tao. Grabe! Baka iba lang ang interpretation mo sa look n’ya.

“That’s too rude,” dagdag nito. 

Anyway, hindi naman pinalampas ni Tony ang ginawa ng ilusyunadong basher.

Sagot ni Tony sa isang post, “Some of you are too delusional.” 

Kaya naman pinutakti rin ng panlalait ang basher na ito ni Tony mula sa mga netizens.

Sey ng isa sa mga dumepensa para sa aktor, “Puwede namang hindi totoo, look lang pala.

Hindi ka naman nilapitan, kinausap at hiningan ng number. Puwedeng pa-famous lang ‘yan.”

Pagkatapos atakihin ng mga netizens ang ilusyunadong basher ay nag-deactivate raw agad ito sa socmed gamit ang kanyang fake account.

For sure, natakot si accla.

Nag-invest, pinagtaguan na… DOC CALAYAN, NA-SCAM NANG MILYUN-MILYON NG KUMARE

ni Julie Bonifacio @Winner | April 30, 2024

FIle photo: Dr. Manny Calayan

Malungkot na ini-report sa batas ng kilalang beauty surgeon na si Dr. Manny Calayan ang inaakusahang scammer na nambiktima sa kanya ng malaking halaga.

Naghain na ng reklamo si Dr. Manny sa National Bureau of Investigation (NBI) laban sa babaeng nakilala niya bilang si Michelle Alfaro alyas Belle Magadia na nanloko sa kanya nang milyun-milyong piso. 

Ang siste, kumare pa man din daw ni Doc Manny itong si Michelle alyas Belle. Huli na rin nu’ng malaman ni Doc Manny na may iba pang biktima ng panloloko sa pera ang kanyang kumare. 

Nakumbinse raw siya nitong si Michelle na mag-invest sa business na magsu-supply ng alak at sigarilyo sa mga naglalaro sa isang sikat na casino sa Manila. 

Pinangakuan daw siya na kikita ng 10% interest every week sa perang in-invest niya.

But sad to say, walang bumabalik kay Dr. Manny sa perang in-invest niya sa bogus palang negosyo, kaya kinompronta na raw niya ang kanyang kumare.

“Na-AMLA (Anti-Money Laundering Act) raw ang pera niya. Keso na-hold daw. Nasa BSP daw ang pera niya. Hindi raw niya mailabas. Tapos, hindi na nagpakita, nagtago na, nawala na,” pahayag ni Dr. Manny sa interview sa kanya ng GMA-7 News team.

Bukod kay Dr. Manny, may isang biktima pa raw itong si Michelle na nakunan naman ng P3M ang nainterbyu rin ng GMA-7 News.

“Nu’ng nag-i-invest pa ako, nag-iba siya ng pangalan from Michelle Alfaro to Belle Magadia. Sabi ko, 'Bakit nag-iba ka ng pangalan?' Tinanong ko siya, 'Bakit ka nagpalit ng pangalan?'

Sabi niya, ‘Kasi Dok, may isa akong investor, eh, napakaswapang sa pera. Gusto (niya) uunahin lahat-lahat.’ Sabi ko, ‘Ah, talaga?’ Naniwala naman ako. ‘Yun pala, may tinataguan na siya,” kuwento ni Dr. Manny sa amin.

Huli na nu’ng malaman niya na nagtatago na sa ibang biktima ang kanyang kumare.

Panawagan ni Dr. Manny, “Maawa naman kayo sa mga tao na kumikita ng pera na pinaghirapan nila.”

Pakiusap pa ng celebrity doctor, magbigay ng impormasyon sa kanya ang publiko kapag nakita or may nabalitaan sila sa kinaroroonan ng kanyang kumareng scammer na si Michelle Alfaro a.k.a Belle Magadia.

Samantala, bukas ang aming pahina para sa panig ng inaakusahan.