Mukha raw may sakit, adik, etc… PIKTYUR NI BILLY NA SUPER-PAYAT AT MALALIM ANG MGA MATA, VIRAL

ni Julie Bonifacio @Winner | May 9, 2024

Photo: Circulated

Nagulantang sa hitsura ni Billy Crawford ang mga netizens dahil sa kumalat na picture ng singer-TV host sa socmed (social media). 

Humpak ang kanyang mga pisngi, maitim ang ilalim ng kanyang mga mata at mahaba ang kanyang payat na leeg. 

Iba-iba ang naging reaksiyon ng mga netizens sa nag-viral na hitsura ni Billy. May mga nagsabi na kamukha na niya ang dating child star na si Macaulay Culkin.

Comment ng iba, parang may sakit si Billy. Ang ilan naman, sinasabing gumagamit daw ng ilegal na droga ang singer-TV host.

Sey ng mga netizens…

“Para siyang may sakit.”

“I think he needs medical attention. Wala bang taga-showbiz industry na makakatulong sa kanya? God bless, Billy.”

“Hyperthyroidism siguro.”

“Bulimia na.”

Sabi naman ng iba, baka diabetic na si Billy. 

At meron ding nagsabi na ang kanyang pagpayat ay dahil sa depression.

Ang ibang komento naman ng mga netizens, “He is depressed.” 

“He looks malnourished.”

Tsika naman ng isang netizen, may kinalaman sa pagsali ni Billy sa isang dance contest ang kanyang pagpayat.

“Ano ang nakakatawa? Nangayayat s’ya dahil sa pagsayaw, and I think, that's healthy. Sa kanya na rin nanggaling na he stopped smoking and alcohol.”

“Withdrawal pain.”

Pero may isang netizen ang nagtsika sa socmed na matagal na raw ang picture na ‘yun ni Billy at ibinalitang nagtatrabaho ngayon sa Europe ang singer-dancer.

“I reckoned this picture was long ago. He's looking good actually! My son was working with him with his new album to be released in Europe,” ayon sa netizen.

Natuwa naman ang iba especially ang mga fans ni Billy sa balita.

“That’s good to know, he is very talented.”

“Akala ko present picture ‘yan. I'm a fan of Billy, at wish ko, bumalik 'yung dating Billy na healthy looking.”

“I believed that Billy has a heart condition, and he's trying to resolve his health as of the moment! Yes he's doing great with his music and Europe music tour n’ya!”

Ganern?!

Pinakalma ni Sen. Bato… MARICEL, NAKATAAS ANG 2 KILAY NANG HUMARAP SA SENADO

ni Julie Bonifacio @Winner | May 8, 2024

Photo: Senate of the Philippines

Matapang na sinipot ni Diamond Star Maricel Soriano ang imbitasyon sa kanya na umapir sa hearing sa Senado sa usapin ng ilegal na droga kahapon.

Iniuugnay si Marya sa paggamit daw ng ilegal na droga na may kaugnayan din daw kay Pres. Bongbong Marcos, ayon sa naging talakayan sa hearing ng Senate Committee on Public Order's investigation on the so-called PDEA leaks. 

Ayon sa ilang news report, pinakalma raw ni Sen. Bato dela Rosa si Maricel pagkatapos i-acknowledge ang presence ng aktres at sinabihang uminom ng tubig pagkatapos mapansin ang mga galaw ng  Diamond Star na parang nate-tense.. Nakasuot si Marya ng white blouse at naka-salamin nu’ng dumating sa Senate.

Sa picture na kumalat sa socmed, mapapansin na parehong nakataas ang kilay ni Marya habang naka-panumpa ang isa niyang kamay. 

Say ng netizen, “Oh, pak, kilay ni mother Maria!”

“Sa kilay pa lang, kabahan na kayo kay Inay Marya.”

“INDEED, THE RIGHT PLACE PARA MAGTARAY. ”

“Mother, tarayan mo nga ‘yan mga gunggong na dadamay sa ‘yo. Haha!”

“Pakisampal ng malutong ang mga engot na nagdadamay sa ‘yo, Inay @officialmaryaph”

Marami ang pumupuri kay Maricel sa  pagsipot niya sa Senado.

“Si Maricel Soriano, humarap talaga sa Senado, samantalang ‘yung kampon ni Satanas na si Quiboloy, ‘di na mahagilap!”

“‘Pag wala kang itinatago, ready ka humarap anytime. Ano na, Quiboloy, mahiya ka naman kay Maricel.”

May nanalangin din kay Maricel na ‘di mabastos sa Senate heariing.

“I just hope huwag nilang babuyin at bastusin si Ms. Maricel.”

Sana naman.

PBBM, TINAWANAN LANG ANG PAGDAWIT SA KANILA NI MARICEL SA DROGA

ni Julie Bonifacio @Winner | May 7, 2024

Photo: P-BBM at Maricel Soriano

Nagbigay na ng reaksiyon si Presidente Bongbong Marcos (PBBM) tungkol sa pagdawit sa kanila ni Diamond Star Maricel Soriano sa isyu ng droga.

Nitong nakalipas na linggo, naging balita ang pag-uugnay kina Maricel at PBBM sa isyu ng droga hanggang sa tumindi na ang usapin at umabot na sa Senado.

Kasunod nito ang pagkumpirma ni Senador Bato Dela Rosa sa pag-attend ni Diamond Star sa isang hearing sa Senado.

Sa kainitan ng isyung ito, nakorner daw ng ilang taga-media si PBBM at nakunan ng reaksiyon sa paratang sa kanila ni Marya kaugnay ng ilegal na droga.

Tumawa lang daw si PBBM nu’ng kunin ang kanyang reaksiyon.

Sey ng mga netizens… “Teka PBBM, bakit ho kayo natawa sa ‘Well done, Mr. President’ ni atcheng reporter?”

“Tawag d'yan, tawang bangag (laughing emoji).”

“Walang denial, napangiwi lang (shy emoji).”

Ayon naman sa ibang netizens, pang-asar lang daw ‘yun ni PBBM sa mga kalaban niya sa pulitika.

“Ganyan ang response ng taong may ‘bad past’ sa buhay.”

“Feeling n’ya artista s’ya na dapat dedma sa mga iniisip ng tao about him. He doesn't serve the people.”

Pero mas gustong malaman ng mga Marites ang reaksiyon ni Marya kesa kay PBBM.