‘Di pa rin nagbabati after maghiwa-hiwalay… KEAN, TODO-TANGGI SA REUNION NILA NG CALLA LILY MEMBERS

ni Julie Bonifacio @Winner | Jan. 15, 2025

Photo: Kean Cipriano - Instagram

Kakaiba ang gagawing selebrasyon ni Kean Cipriano sa kanyang ika-20 taon sa entertainment industry this year. At magki-kick-off ang kanyang celebration as one of the artists sa pre-Valentine show titled Love, Sessionistas on February 8, Saturday, at

The Theatre in Solaire produced by Fire & Ice.

“Maganda nga itong Sessionistas concert namin kasi maganda s’yang take-off for the year. Yes, for my 20th.

“Definitely, meron akong nilulutong mga kanta. Nag-i-studio work ako, nagre-recording ako ngayon. Nagre-record ako ng mga kantang matagal ko nang nagawa.

“Kumbaga, nasa recording stage ako ngayon. It’s gonna be a busy year dahil marami akong naka-lineup na gagawin,” lahad ni Kean sa mediacon ng Love, Sessionistas.

Usually, ‘pag nag-a-anniversary ang isang artist, nagse-celebrate sila via a concert.

Para kay Kean, “Mahaba pa ang taon. Sa totoo lang, nakaplano na ang taon. Nag-usap na kami ng team ko about it. But, kaya sabi ko, sobra pang maaga ‘yung 2025 para tumalon ako agad doon.  

“Dahil sa dami ng plano, ang gusto ko sana, maging present at ma-enjoy ‘yung mga projects na ginagawa ko at the moment like itong Sessionistas.

“Etong time na ‘to, nakatutok ako sa kanya ngayon. Tapos, may next phase. May tour na ganito. Kumbaga, maraming-maraming inaayos. 

“Ako kasi, trato ko sa kanya (20th anniversary), isang buong taon s’ya. Parang isang buong taon ko s’yang isineselebreyt na 20th year ko, parang ganu’n. 

“And gusto ko s’yang maging celebration na pakiramdam ko talaga is ‘yung nagse-celebrate ako nang walang pressure, ng parang eto kasi, ito dapat ‘yung traditional na ginagawa. Gusto kong ma-enjoy ang taon. ‘Yun ang goal.”

Madiin ang pagkakasagot ni Kean ng “No” sa amin when asked for a possible reunion with his former band, ang Callalily. 

“No, no, no. Wala,” sabi ni Kean.

Mukhang hindi pa rin sila okay ng kanyang former bandmates sa Callalily.

“For me, it’s ano, okay na ‘yun. Maganda na ‘yung nagawa ng banda and I respect that. It’s been a great ride,” lahad ni Kean. 

Pero kasi, may gumagamit pa rin ng pangalan ng banda kahit wala na ang “Calla.”

“Ano naman?” sambit ni Kean. 

Aniya, “It’s uh, they can do their thing and my thing. So, ano lang, ako parang, and it’s my 20th year, so, naka-focus ako on love and respect. Kumbaga, ang gusto ko, tama ang pakiramdam ng lahat.”

Agree naman kami kay Kean pagdating sa bagay na ‘yan. Kesa nga magdala pa siya ng pressure o kabuwisitan sa sarili ‘pag nagka-reunion concert pa sila.

“Oo,” pagsang-ayon niya.  

Sey niya, “Walang point, eh. Walang point na mag-react ako, kaya sabi ko, kung ano ang ginagawa ng mga tao, I wish them well.”

Nag-react din si Kean sa isyu na nakarating sa amin na pinagbawalan niyang kantahin ng former bandmates niya sa Callalily ang hit song ng banda sa isang event na pareho silang performer.

“Sa ‘kin kasi, ang pinaka-take ko d’yan lalo sa banda, ganoon kaespesyal ang banda, eh, ‘di ba? Hindi naman ‘yan isang bagay na tataluhin mo isa-isa ‘pag hindi na magkakasama, ‘di ba?

“Naniniwala ako na lahat ng miyembro ng isang magical na something ay may karapatan para gawin ‘yung naging parte s’ya dati. Kahit sino’ng miyembro doon, walang problema doon. Dahil parte ‘yun ng magic,” esplika ni Kean.

Anyway, makakasama ni Kean sa reunion concert ng Sessionistas sina Ice Seguerra (na siya ring direktor ng concert), Juris, Sitti, Duncan Ramos, Princess Velasco at Nyoy Volante.

Dating sikat na singer, lasenggo at wa’ na raw kayod… ICE, WISH NA MAKATAGPO NA SI JAKE ZYRUS NG DYOWA TULAD NIYA

ni Julie Bonifacio @Winner | Jan. 14, 2025

Photo: Ice Seguerra at Jake Zyrus - Instagram

Nabanggit namin kay Ice Seguerra ang balita tungkol sa kapwa niya transman na si Jake Zyrus sa Amerika sa ginanap na mediacon ng Love, Sessionista concert na gaganapin sa The Theater at Solaire sa February 8.

Ayon sa aming source ay naging alcoholic and jobless daw si Jake sa US.

Reaksiyon ni Ice, “I hope, I really hope… well, ako kasi, I’ve been there. I’ve been in a very bad place.

“Siguro, ang sinuwerte ko lang, may mga tao na nasa paligid ko na talagang may malasakit at may pagmamahal. 

“So, ako, that’s my wish for him na he will find his wife na who will support him, love him and will show him love and acceptance. ‘Yun!

“Kasi, I think that’s very important for a person, ‘yung no matter who you are, no matter what you do, alam ko na okay lang mag-fall ka because alam mong may sasalo sa ‘yo. And I got so lucky. So, I hope he has that.”

Of course, ang wife na binabanggit ni Ice ay walang iba kundi si former FDCP Chair Liza Diño.

Agree si Ice sa ideya na bumalik ng Pilipinas si Jake, lalo pa’t maganda ang takbo ng concert scene sa entertainment industry.

Sey niya, “Yeah. Ako, I honestly wish that people would stop comparing us. Kasi, okay, we’re both trans, but hindi porke pareho kaming trans, pareho kami ng journey. 

“Iba-iba ang tao, iba-iba ang journey natin. Iba-iba ang pinagdaraanan ng tao. Iba ang pupuntahan natin. 

“I have my own journey, he has his own journey. So, I hope they respect his journey as well. 

“Stop comparing us because hindi nakakatulong ‘yun, eh. Hindi nakakatulong ‘yun ‘pag ikinukumpara ka. Kahit kanino pa ‘yan. Kahit sino pang artista ‘yan. Walang may gusto noon. 

“Kumbaga, tigilan na natin ‘yan. Let Jake be Jake, ‘di ba? Kung saan s’ya masaya, we’re just to support him.

“Actually, wala namang makakapagsabi na dapat ganito ka, dapat ganyan ka. Journey n’ya ‘to, eh. Wala naman siyang sinasaktan na tao. Bakit tayo nangingialam sa mga desisyon n’ya sa buhay?”

Binanggit din namin kay Ice na balitang may naging GF na si Jake sa US.

“Good,” ngiti ni Ice.

May pakiusap naman si Ice sa mga taong nagkukumpara sa kanila ni Jake.

“Ako, sasabihin ko ‘to. Malaki ang ipinagbago ng buhay ko dahil sa asawa ko. Malaking bagay ‘yung partner mo. Kasi ‘yung partner mo ang magsasabi sa ‘yo nang totoo. S’ya lang ang magbibigay sa ‘yo ng perspektibo na normally, ‘di maibigay ng iba.

“‘Yung ibang tao, hindi nila maibibigay sa ‘yo kasi gusto nila ‘yung approval mo lang ang makuha nila. ‘Yung partner mo, s’ya lang ang makakapagsabi sa ‘yo nang totoo,” lahad pa ni Ice.

Si Ice ang direktor ng pre-Valentine concert nila ng kanyang fellow Sessionistas na sina Juris, Sitti, Princess Velasco, Kean Cipriano, Duncan Ramos at Nyoy Volante.

Sa dami nila at kapwa malalaking artists din gaya ni Ice, tiniyak ng dating child star na may equal exposure ang bawat isa sa kanila sa Love, Sessionistas produced by Fire and Ice. 

At dahil kapwa niya magagaling ding artists ang ididirek niya, may kani-kanyang inputs din daw ang mga ito sa show, na welcome naman kay Ice Seguerra. 

Dahil sa lumang truck… UTOL NI SAM, TUMALSIK SA MOTOR, MILAGRONG NAKALIGTAS

ni Julie Bonifacio @Winner | Jan. 13, 2025

Photo: Sam Milby at Ada Milby - IG

Milagro ang bungad ng aktor na si Sam Milby sa kanyang caption sa series of photos and videos pagkatapos makaligtas at mapagaling ang naaksidente niyang sister na si Ada Milby na ipinost niya sa kanyang Instagram (IG) recently.

Sa unang photo na ipinost ni Sam ay inaalalayan niya ang hirap pang maglakad na si Ada sa corridor ng ospital.

Sa dalawang videos na ipinost ni Sam ay makikita na isang himala talaga na nakaligtas si Ada nu’ng tumalsik siya sakay ng kanyang motor pagkatapos mabangga ng likuran ng isang sasakyan na sinagasaan naman ng malaking container truck. 

Caption ni Sam: “Milagro. ‘Yun ang nangyari sa Ate ko last month. Definitely not the way she wanted to spend the holidays but thank you Lord she is safe and healing. She walked away with no broken bones, just badly bruised with some stitches (S’ya ‘yung naka-motor sa video).

“But sadly a young man’s life was taken. Nawalan daw ng preno ‘yung truck at parang madalas nangyayari to: (I hope more can be done to force companies to do regular checkups and maintenance for a lot of these older trucks).

“So glad you’re okay and love you, Sis.”

Sa huli ay binigyan ng credit ni Sam ang mga may-ari ng dashcams ng truck at grab driver na nakakuha ng video sa aksidente. 

Well, nag-post ng comment ang mga celebrity friends/followers ni Sam sa IG gaya nina Judy Ann Santos, KC Concepcion, Angeline Quinto, Vhong Navarro, Enchong Dee, Chie Filomeno, Markki Stroem, Ivana Alawi, Michael de Mesa at Beautederm owner na si Rhea Tan.

Mensahe ni Juday, “Oh my…glad your sister is okay (heart emoji) her guardian angel really took care of her.”

“So glad to hear, Ada is okay, praying for her speedy recovery!!!” ani KC.

Sabi naman ni Michael de Mesa, “Oh, my God. So glad Ada is okay, that was intense. Something should really be done with these trucks that are not maintained.”

Si Ada ay isang Filipino-American rugby player na naglalaro sa Philippine national women’s team. Siya rin ang kauna-unahang female member of the World Rugby Council. At siya ngayon ang presidente ng Philippine Rugby Football Union.

Sumabak din pala si Ada sa Iraq war bilang staff sergeant sa US military. May dalawang anak na babae si Ada na pawang paborito ni Uncle Sam.

---

Naging instant bayani ang dating sexy star na si Klaudia Koronel sa paglikas sa kanyang 75-year old na  pasyente na may sakit na dementia mula sa wildfire sa Los Angeles, California sa Amerika.

Nag-live si Klaudia sa kanyang Facebook (FB) page habang nililikas ang kanyang Amerikanang pasyente dahil umabot na sa likod ng bahay nito sa Palisades ang wildfire.

Si Klaudia ay naninirahan at nagtatrabaho na sa US bilang caregiver.

Caption ni Klaudia sa kanyang video post sa FB, “Actual footage o live ko na experience ko mismo ang wildfire sa Pasadena. Nagpapa-panic ako. Hanggang ngayon, traumatized ako.

Kasi ‘pag nakaka-receive ako ng emergency alert, natataranta ako at nagpa-panic.”

Sa video ay mapapanood ang bahay ng pasyente ni Klaudia na inabot na ng apoy ang likuran.

Lahad ni Klaudia sa video, “Masusunog na po ang bahay namin. God! napakabilis. Relax pa ako kanina kasi sa isip ko malayo naman sa Palisades ang sunog. Tapos biglang natanaw ko may apoy na sa likod bahay at naka-receive ako ng alert na lumikas na kami.”

Sa pagtatapos ng video ay hindi pa malaman ni Klaudia kung saan sila pulunta pagkatapos lisanin ang bahay ng kanyang pasyente.

Sa sunod na FB post ni Klaudia ay ipinakita niya ang mga sandamakmak na mga residente na naapektuhan ng wildfire ang nagpuntahan sa Santa Anita Park bilang pansamantalang evacuation place.

Post ni Klaudia, “Please help them po, masuwerte kami ng pasyente ko kasi nilagay kami ng family sa Pasadena hotel. Karamihan, kawawa po talaga…”

Sa ngayon ay nanawagan ng volunteers and donation ang mga evacuees sa Santa Anita Park at sa iba pang mga lugar sa Los Angeles.