Haping-hapi ang love life… JAKE AT KANANG GF NA SINGER DIN, TODO-POST NG MGA PIKTYUR SA MGA KINAKAINANG RESTO

ni Julie Bonifacio @Winner | Apr. 17, 2025

Photo: Jake Zyrus - Instagram

Kita ang happiness kay Jake Zyrus (dating si Charice Pempengco) sa kanyang buhay ngayon sa Amerika sa piling ng kanyang girlfriend na American singer na si Cheesa Laureta.  

Maraming photos ang magdyowa sa kani-kanilang respective Instagram (IG) accounts for the past months.  

Ang latest IG post ni Jake was two days ago kung saan nag-picnic sila ni Cheesa sa park.  

Ipinost din ni Jake ang dala nilang pagkain mula sa Jollibee.  

Post ni Cheesa sa comment-section, “Jollibeeeeee for (chicken drumsticks emoji).”  

Prior to that, panay post din ni Jake ng mga pagkain nila ni Cheesa sa iba’t ibang restaurants at mga lugar na pinasyalan.  

Well, nagkasama na pala noon sina Jake at Cheesa sa recording. Nag-release ng kanyang first single si Cheesa titled I’m Not Perfect (INP) pagkatapos ng kanyang The Voice US (TVUS) stint noong 2012. Musical director ni Cheesa sa first single niya ang kanyang kapatid na si Troy Laureta.  

Sa kantang INP unang nagsama sina Cheesa at Jake. That time, hindi pa siya si Jake Zyrus at sikat na sikat pa ang pangalan niyang Charice.  

Anyway, isa sa mga IG posts ni Cheesa ay nu’ng nagpapiktyur sila ni Jake kay Lea Salonga pagkatapos nilang panoorin ang performance ng international award-winning singer sa Ahmanson Theater.  

At least, nakakatuwang malaman na okey ang sitwasyon ni Jake sa US sa piling ni Cheesa. Unlike before na kung anu-ano’ng negative news ang nakakarating sa Pilipinas about Jake.  

Sana lang talaga, maging okey na okey na si Jake Zyrus sa US, hindi lang ang kanyang love life kundi pati na rin sa kanyang career.  

---

NAPAPANAHON ang pakikipag-collab ni Pure Energy Gary Valenciano sa pop balladeer na si RJ Dela Fuente with their own version ng Christian song na Blessings.

Ang Blessings ay inawit ng American singer na si Laura Story.  

Personal anthem daw ang kantang Blessings para kina Gary at RJ. Naging source of comfort ni Gary ang kanta especially during his own medical battles, habang kay RJ ay nagsilbing guiding light ito sa kanyang journey through grief, healing, and spirituality.  

“Not every blessing comes in an ideal, joyful, happy, celebratory manner. Blessings can come hidden behind trials that come in various forms, and our prayer is that our listeners will know that not all disappointments are failures but surely sometimes delays that God allows to hone our character into becoming more like His before we are given that which we have asked of Him.  

“Big blessings may require heightened responsibilities on our part and God can use the trials to deepen our personal walks with Jesus and strengthen us for more battles and blessings we will surely face in the future,” pahayag ni Gary.  

Ayon naman kay RJ, naisulat ni Laura ang kanta niya dahil sa pinagdaanan ng kanyang mister na may brain tumor.  

“She talked about how she had to find comfort and had to depend on God during that tough time. I myself also had to find peace and comfort in Him when my family and I were grieving the loss of my stepmom due to cancer. Tito Gary also had to face cancer and a heart problem and is a type 1 diabetic,” lahad ni RJ.  

Sinasabi pa sa awiting Blessings na we can still find His ‘blessings’ through tough times.  

Inawit ito nina Gary at RJ sa unang pagkakataon as a surprise during CBN Asia’s Beyond Measure concert at the Araneta Coliseum last year.  

---

TAHIMIK na naman ang Metro Manila ngayong Huwebes Santo. As we all know, karamihan sa mga Pinoy ay nag-a-out-of-town or out-of-the-country.  

Isa na riyan si Sen. Bong Revilla and his family na lumipad papuntang Boracay nitong umaga ng Holy Thursday.  

Bukod kay Cong. Lani Mercado at mga anak, ka-join din sa kanilang Boracay trip ang kanilang mga apo.  

Sa Boracay nagpunta sina Sen. Bong para maglublob sa dagat at maibsan ang sobrang init ng panahon. 

Todo-sigaw na pabalikin ng ‘Pinas si Du30, sinopla… GLORIA KAY IPE: ‘YUNG ANAK MO, PADALHAN MO NG PERA

ni Julie Bonifacio @Winner | Apr. 15, 2025

Photo: Gloria Diaz at Philip Salvador - Instagram

Sunog ang aktor na si Phillip Salvador kay Gloria Diaz. ‘Yan ang sabi ng mga netizens pagkatapos mag-viral ang comment ng dating Miss Universe sa naka-post na picture ni Phillip during his campaign.

Isinisigaw daw kasi ni Phillip na pabalikin ng Pilipinas si dating Pangulong Rodrigo Duterte.

Sa comment section ay makikita ang post ng isang account na nagngangalang ‘gloria.diaz69’.

Verified account daw ng dating Miss Universe ang gloria.diaz69, ayon sa mga netizens.

Sey ni Gloria, “‘Yung anak mo padalan mo ng pera.”

Siyempre pa, natuwa ang mga bashers ni Phillip sa comment ni Gloria.

“GLORIA DIAZ burns PHILLIP SALVADOR (fire emojis) talak kasi nang talak sa stage, pero hindi naman nagbibigay-sustento sa mga anak. Sus!”

“Phillip Salvador, ‘Bring him home!’ Gloria Diaz: ‘‘Yung anak mo padalhan mo ng pera!’ Sunog si Phillip! (laughing emoji).”

“It’s like… the (Miss) universe is saying something to you, Ipe. Better listen!”

May ilang mga netizens naman ang nalito kung sino’ng anak ni Phillip ang tinutukoy ni Gloria.

Bukod kasi kay Joshua Aquino na anak ni Phillip kay Kris Aquino, may iba pang mga anak ang aktor sa dati niyang non-showbiz partner.

Sey pa ng mga netizens:

“Sino ba’ng anak ni Phillip Salvador ang sinasabi ni Gloria Diaz na padalhan niya ng pera?”

“Jusko! Mas marami pang pera ang anak niya kesa sa kanya.”

“Maraming anak si Phillip, hindi lang si Josh. Besides, it’s not the amount per se. The court can designate the amount you can contribute based on your income.”

So, there.

---

Few days after ng interbyu ni Marjorie Barretto kay Ogie Diaz, muling nagparamdam si Dennis Padilla sa social media.

This time ay para ipagtanggol ang kanyang kapatid at kapwa komedyante na si Gene Padilla sa mga bashers.

Agad na binaha ng negative comments ang Instagram (IG) account  si Gene pagkatapos sabihin ni Marjorie na ‘di invited ang kapatid ni Dennis sa kasal ng anak na si Claudia Barretto at longtime BF nitong si Basti Lorenzo.

Kahapon ay nag-post si Gene ng solo pictures niya sa kanyang IG.

Caption ni Gene, “It’s okay if you say hurtful things. You don’t know me, and I don’t know you but I still choose to send you love, peace, and prayers for healing.”

Sa comment section ay dinepensahan ni Dennis si Gene.

“Dear Gene... Wala kang mali… Nagbigay ka lang ng suporta sa akin... Dahil naramdaman mo ako… Salamat (crying and heart emoji),” lahad ni Dennis.

May panawagan din si Dennis sa mga bashers nilang magkapatid na as of this writing ay ‘di na makita sa IG post ni Gene.

Pakiusap ni Dennis, “Sa mga bashers… Please spare my brother… Itodo n’yo na lang sa akin… God bless you more.”

“Ba” ang term of endearment… JANINE, NAIPAKILALA NA NI ECHO SA MADIR

ni Julie Bonifacio @Winner | Apr. 14, 2025

Photo: Echo at Janine - Instagram

Dahil ‘di matatawaran ang iniwang legasiya ni Asia’s Queen of Songs Pilita Corrales sa entertainment industry, almost everybody, if not all, ay may kani-kanyang post bilang tribute sa yumaong icon.

And that includes actor Jericho Rosales na nababalitang boyfriend ng apo ni Pilita na si Janine Gutierrez.

Nu’ng last birthday celebration for Pilita ay nandoon si Jericho. And for sure, that was not the only time na nagkita sina Pilita at Jericho dahil mukhang palagay na sila sa isa’t isa sa mga kumalat na video and photos nu’ng party sa socmed (social media).

Nag-post si Echo ng same picture ni Pilita sa post ni Lotlot de Leon at video ng ina ng aktor na kinakanta ang isa sa mga pinasikat na kanta ng Mamita ni Janine.

Sa video ay masisilip na may babaeng nakasuot ng white t-shirt at short hair habang kumakanta ang ina ni Echo.

Obviously, si Janine ang babaeng nakasuot ng white t-shirt at short na buhok. Meaning, naipakilala na ni Echo si Janine sa kanyang ina.

Sa comment section ng latest IG post ni Echo ay makikita ang message ni Janine sa rumored boyfriend niya.

Comment-post ni Janine, “Thank you, Ba (white heart emoji).”

Kino-confirm na kaya ni Janine ang tunay na relasyon nila ni Echo at “Ba” ang kanilang term of endearment?

‘Kakakilig!

Well, si Jericho Rosales na nga sana ang matagal nang wini-wish na boyfriend ni Janine Gutierrez.

---

Madamdamin ang mensaheng ipinost ni Lotlot de Leon sa pagpanaw ng dati niyang mother-in-law, ang Asia’s Queen of Songs na si Pilita Corrales sa Instagram (IG) ng aktres last Saturday.

Of course, knows ninyo na si Ramon “Monching” Christopher ay anak ni Pilita at dating mister ni Lotlot.

Ipinost ni Lotlot ang black and white photo ni Pilita sa kanyang IG.

Caption ni Lotlot, “She loved her family like there’s no tomorrow. She would move heaven and earth just for them, for Ate Jacqui, for VJ, for Mon and most definitely for her grandchildren.

“She’s the kind of grandmother anyone would wish for.

“And I know that if she can just give and gift her family with so much more, she would. Everything that belonged to her in a heartbeat she would pass on to those who are precious to her.

“Her family was her number one.

“My children are very blessed to have and receive that kind of love. For that I am truly, truly grateful.

“Rest in paradise, Mamita.. A million thanks to you (white heart emoji).”

May mga tsika dati na nagkaroon ng iringan between Lotlot and Pilita pagkatapos ng hiwalayan ng aktres kay Monching.

Napawalang-bisa ang kasal nina Lotlot at Monching, hanggang sa naikasal muli si Lotlot sa kanyang mister ngayon na si Fadi El Soury.

Wala nang balita kung nagkaayos na sina Pilita at Lotlot. Although, very close ang mga anak nina Lotlot at Monching sa kanilang “Mamita” o grandmother.