Puwede pa rin daw umatras sa pagka-senador… WILLIE: TRY LANG ‘TO KAYA AKO TUMAKBO!

ni Julie Bonifacio @Winner | Oct. 10, 2024

Photo: Willie Revillame / Wil To Win

Tatakbong independent candidate si Willie Revillame bilang senador sa 2025 elections. Diretsahang inamin ni Willie na walang nag-alok sa kanya na mapasama sa mga existing political parties. 

Marami ang nag-akala na sasanib si Willie sa mga kandidato sa pagka-senador ng partido ni former President Rodrigo Duterte (PRRD). Ang alam ng publiko, close siya kay dating P-Duterte.

“Hindi naman. Ipinatawag niya ako, gusto n’ya akong tumakbong senador before. Hindi pa ako handa. So, ‘yun lang,” pahayag ni Willie sa interbyu sa kanya sa isang talk show sa TV5 four hours after mag-file ng Certificate of Candidacy (COC) ng TV host.

Nagsabi pala si Willie na tatakbo siyang senador kina Vice-President Sara Duterte at Sen. Bong Go, hoping na makakarating kay former President Duterte, wala raw kasi siyang access para makausap nang diretso ang dating pangulo.

Sabi ni Willie sa mga hosts, “Alam mo, I’ll tell you this. Maano ako, maayos akong tao. Marespeto ako. Kinausap ko lahat. The Vice-President, Sen. Bong Go, Sen. Raffy Tulfo, Erwin Tulfo, Sen. Tito Sotto.

“Even Honey Rose Mercado from Malacañang giving kortesiya na eto ang balak ko, na baka tumakbo ako. Ano ba sa tingin n’yo?

“I’m asking for advices. So, okey naman silang lahat. Positive.

“And the most important thing is MVP. Kasi I’m a part of TV5. Tapos sinabi n’ya, ‘Sige, mag-usap kayo ni Jane (Basas, president and CEO of Media Quest na nagmamay-ari ng TV5), ni Ma’am Jane, saka ni Ma’am Sienna (Olaso, Cignal’s VP for channels and content).

“Pag-usapan natin. Then, let’s meet kung ano ang plano.”

Mananatili pa rin daw si Willie sa kanyang programa sa TV hanggang February 10. After that, bawal na dahil simula na ng campaign ng mga tatakbo.

Kapag nanalo at naging senador si Willie, three days daw siyang magtatrabaho sa Senate and the rest of the week ay sa kanyang programa sa TV5.

Samantala, tinanong ng isa sa mga hosts si Willie kung ‘di ba siya magbabasa ng bills kapag wala siya sa Senado.

“Alam mo ‘yang bills na ‘yan, ang dami nang batas na ginawa, eh. Nabago ba ang buhay ng mahihirap?” patanong na sagot ni Willie.

Follow-up naman ni Gretchen Ho, na bukod-tanging kilala namin sa tatlong hosts ng programa, trabaho ng senador ay ang gumawa at pag-aralan ang batas.

“Para saan? Para sa bansa? Eh, ang dami nang nagawa. Eh, ano ba ang trabaho natin? Hindi ba gumawa ng mabuti sa kapwa?

“Kaya ka nga public servant, eh. Kaya gagawa ka ng batas para sa mahihirap, kasi ang dami nang batas. Ilan na ba ang nagawang batas from the start ng mga senador, may nagagawa ba? Ano bang batas ‘yan?

“Ang pinakagusto kong batas, marami naman sigurong magagawa, pero eto para sa seniors. Kasi, malaking bagay ‘yan,” diin ni Willie.

Ibinulgar pa ni Willie na hindi siya inalok ni PRRD na sumali sa list ng senatoriables sa partido nito na PDP-Laban.

“Hindi naman nila ako in-offer-an, eh. Walang nag-offer sa ‘kin. So, si Manong Chavit

(Singson), isang independent (candidate).

“I’ve talked to Ben Tulfo, independent s’ya. Sabi ko, ang kasama ko rito, eh, ‘yung nagmamahal sa programa ko. ‘Yung programa ko it’s about 17 million followers sa Facebook (FB). 7.9 million sa YouTube (YT).

“Siguro naman ay sapat-sapat na ‘yun na tutulong sa ‘kin. Eh, para sa kanila naman ‘tong gagawin ko, eh. Hindi naman para sa ‘kin.

“Alam mo masaya na ako sa buhay ko, eh. I’m so blessed. Mas mabe-blessed siguro ako kapag itong blessing na meron ako, isine-share ko na lang.

“Okey na ako, kuntento na ako on what I have. Ang hinahangad ko lang ay makita ang lahat kong kababayan na masaya,” lahad ni Willie.

Sa kabila nito, posible rin daw na mag-withdraw ng kanyang kandidatura bilang senador si Willie.

“Kasi nararamdaman ko, eh (kung ayaw na niyang ituloy). Parang ‘di ko talaga kaya ‘to. Marami, eh. ‘Yung health ko. Kaya pa ba ng katawan ko?

“Kasi, nagso-show pa ako everyday. So, depende. Hindi lang naman ‘yung pursigido ka, eh. Tingnan mo rin kung kaya ng katawan mo. Kasi kapag nagkampanya ka for senatorial, buong Pilipinas ‘to.

“Actually, kaya ko lang din ginawa ‘to, sinubukan ko na lang din. Titingnan ko rin, nasa mga tao naman ‘to kung gusto nila ako. Eh, kung wala ka sa rating, bakit pa ako, ‘di ba? Ibig sabihin, hindi nila ako gusto dito sa posisyon na ‘to. Baka doon lang ako sa show gusto,” esplika pa ni Willie Revillame.

Pagod nang mag-host? WILLIE, SARILING PERA ANG GAGASTUSIN SA PAGKA-SENADOR

ni Erlinda Rapadas @Teka Nga | Oct. 10, 2024

Photo: Willie Revillame - Wil To Win

Maraming nagtaka-nagtatanong kung bakit pinili ni Willie Revillame ang tumakbo bilang independent candidate nang ideklara niyang kakandidatong senador sa 2025 midterm elections. 

Bakit hindi siya sumama sa malaking partido upang may tutulong sa kanyang pag-iikot at pangangampanya?

Alam ng lahat na naging malapit noon si Revillame sa dating Pangulong Rodrigo Duterte, ganoon din kina Sen. Bong Go at Sen. Bato dela Rosa. Una na siyang inalok noon ni Duterte na tumakbong senador sa kanilang line-up pero tinanggihan iyon ni Revillame. 

Noon iyon, kung kailan malakas ang hatak ng programang Wowowin. Maging noong panahon ng COVID pandemic ay nagbigay ng tulong at ayuda si Willie sa mga nawalan ng trabaho. 

Marami ang nagsasabing malaki ang chance niyang manalong senador dahil mabango ang kanyang pangalan at malakas ang hatak niya. 

At dahil sa pagtanggi ni Willie, ipinalit sa slot niya si Robin Padilla, na nanalong number one senator. 

So, ano ang magiging kapalaran ni Willie Revillame ngayong tatakbo siyang independent candidate for senator? Tiyak na mapipilitan siyang maglabas ng sarili niyang pera para sa kanyang campaign fund at ang programa niyang Wil To Win (WTW) sa TV5 ay hanggang Pebrero 10, 2025 na lamang mapapanood, dahil bawal na sa mga kandidato ang lumabas sa telebisyon. 

Napagod na rin ba si Kuya Wil sa pagho-host ng game show? Ayaw na rin ba niya ng stress, kaya nagdesisyon siyang pumasok na lang sa pulitika?

---

Kaya tatakbong cong. 

NORA, PAGOD NA, BABU SA SHOWBIZ 

MAY mga balitang plano na raw ng Superstar/National Artist na si Nora Aunor ang magretiro na sa showbiz, pagkatapos niyang gawin ang pelikulang hango sa kanyang buhay. 

Nakapangako na raw si Ate Guy sa writer at director na bubuo ng nasabing proyekto. 

Sa edad ngayon ni Guy na 71, medyo nakakaramdam na siya ng pagod, lalo na’t madalas umaatake ang sakit niyang asthma. Nahihirapan na siya sa taping at shooting.

Kaya naisip niya na mag-quit na sa showbiz kapag nagawa na niya ang pelikula na tatalakay sa kanyang buhay. Ito ang ihahandog niya sa kanyang mga loyal fans at supporters. 

Well, kaya siguro tatakbo na lang siyang congresswoman sa ilalim ng People's Champ Guardians Partylist. Sa political arena naman siya lalaban upang makatulong sa mga nangangailangan sakaling palarin siyang manalo. 

Payag ba ang mga Noranians sa plano ng Superstar na iwanan na ang showbiz?

---

NAGBUNGA rin ang sipag ng komedyante na si Wilma Doesnt sa pagtayo ng kanyang carinderia na ‘Chicks ni Otit’. Dinarayo na ito ngayon ng kanilang mga suki sa Gen. Trias, Cavite. Maging ang branch nila sa Tagaytay ay patok din at malakas ang benta. 

May puwesto na rin sa hotel si Wilma sa Tagaytay, katabi ang kanyang resto. Isang dating hotel sa Tagaytay na may 13 rooms ang kanyang nirentahan para gawing negosyo. Sampung taon ang kontrata nila ng may-ari ng hotel. Ipina-renovate ito ni Wilma upang makaakit ng mga turista at nagpagawa siya ng bagong signage ng hotel na “Malako” ang pangalan. 

May balak din si Wilma at ang kanyang mister na magbukas ng branch ng ‘Chicks ni Otit’ sa Makati o sa Baguio. 

Kahit kumikita na sa kanyang resto business, tuloy pa rin si Wilma sa kanyang showbiz career. Kasama siya sa cast ng top-rated afternoon soap na Abot-Kamay na Pangarap (AKNP). Maraming viewers ang aliw na aliw sa kanyang karakter bilang si Josa. 

Makakatulong ang exposure ni Wilma sa AKNP dahil dinarayo ang kanilang carinderia sa Cavite at Tagaytay. 

---

Kaya lakas-loob na tatakbo uling mayor ng Manila… ISKO, CHINESE BUSINESSMAN ANG SPONSOR

PANAY ang kanta ngayon ni Yorme Isko Moreno ng Manila (na pinasikat noon ng bandang Hotdog) at ang sipag niyang mag-post sa socmed (social media) ng kanyang mga kaganapan. 

May slogan pa siyang “Isko-ming to Manila.” At ngayon pa lang, full blast na ang simpleng pangangampanya ni Isko.

Malaki ang kanyang kumpiyansa na muling uupong mayor ng Maynila sa kabila ng mainit na kompetisyon nila ni Honey Lacuna at ng TV host/businessman na si Sam Verzosa. 

Maugong din ang tsikang malaking Chinese businessman ang susuporta at magbibigay ng campaign fund kay Isko Moreno. 

Well, bentahe ni Isko na noong unang termino niya bilang mayor ng Maynila, napakalaki ng pagbabagong kanyang ginawa, lalo na sa Divisoria, Quiapo, Underpass Plaza, at Bonifacio. 

Ibinalik din niya ang ganda ng Metropolitan Theater na tumatak sa maraming Manileño, kaya marami ang gustong bumalik siya bilang mayor ng lungsod.

Ganunpaman, maraming bashers si Isko Moreno na muling inuungkat ang mga lumang isyung ibinabato sa kanya.

Sharon at Alden, ninang at ninong… WILLIE, NADULAS SA TV NA MAY MGA ANAK NA SINA COCO AT JULIA

ni Nitz Miralles @Bida  | July 16, 2024

Maypasabog agad ang Wil To Win (WTW) show ni Willie Revillame sa pilot episode nito last Sunday at ito ay nang batiin niya sina Coco Martin at Julia Montes at sabi nga ni Willie, “Sa mga anak ninyo.” 

Kinumpirma raw ni Willie na may mga anak na sina Coco at Julia at ang gustong malaman ngayon ng madlang people ay kung ilan na ang anak ng dalawa.

Sabi ng mga fans, sa sinabing ‘yun ni Willie, nakumpirma na nag-ninang at nag-ninong sina Sharon Cuneta at Alden Richards sa pinakabunso nilang anak.

Ipinaalala ng mga fans na may nag-post na tila birthday o binyag ng anak nina Coco at Julia na present sina Alden at Sharon, ito na raw pala ‘yun.

Pinag-uusapan din kung nadulas lang ba si Willie nang banggitin niya ang mga anak nina Coco at Julia o nawala sa isip niya na live siya on television. 

Gusto ring malaman ng mga Marites kung right time na ba ang ginawa ni Willie para ilabas na nina Coco at Julia ang kanilang mga anak.

Nabanggit din pala ni Willie sa pilot ng WTW na sana, i-guest siya ni Coco sa Batang

Quiapo at nagbiro ito na bibigyan niya ng jacket si Coco ‘pag nakapag-guest siya. Kapag nangyari ‘yun, ang series ni Coco ang magiging daan para makabalik sa ABS-CBN si Willie Revillame.

---

ANG sweet ni Barbie Imperial, nag-text sa kaibigan niyang editor at nag-sorry na hindi niya napagbigyan ang request nito for a solo photo op sa mediacon ng How To Slay A Nepo Baby. After ng mediacon, inilayo na siya sa mga reporters, iniwas siya na matanong tungkol kay Richard Gutierrez.

Well, hindi alam ng naglayo kay Barbie na lalong nag-isip ang press na kaya siya inilayo para nga hindi matanong sa kanila ni Richard. Dahil sa pagso-sorry ni Barbie, hindi nakuhang magtampo sa kanya ng editor.

Naintindihan naman ng press si Barbie lalo na’t bago ang Q&A, nakiusap na ang Happy Infinite Productions na no personal question. Ang personal question lang naman kay Barbie ay ang relasyon nila ni Richard. 

Sa pagtatapos ng presscon, nagpasalamat ito na inirespeto ang request niyang no personal question.

Saka, itatanong lang naman sa kanya kung ano ang masasabi niya na ni-like ni Ruffa Gutierrez ang isa niyang post sa Instagram (IG). 

Ibig bang sabihin nu’n, boto ang ate ni Richard sa kanya at kung anumang relasyon meron sila?

Anyway, si Barbie ang title role sa How To Slay A Nepo Baby dahil siya bilang si Cass ang nepo baby sa film directed by Rod Marmol. Kasamang bida ni Barbie si Sue Ramirez na masaya raw katrabaho at ang iba pang cast.

---

MAAKSIYON ang last two weeks ng Black Rider (BR) at sa trailer, pati si Yassi Pressman, nakipagbarilan na rin. Kaya pala nagkaroon siya ng training sa shooting para sa nasabing eksena. Nagustuhan nito ang kanyang karakter at role at kung magkakaroon ng Book 2, willing siyang bumalik as Bane (ang name ng kanyang karakter) sa action-packed series ng GMA-7.

“Thank you for allowing me to be Bane. Hindi ko pa nai-portray before ang character ni Bane. It’s fun at maraming emotions na kailangan kong ilabas. Nagkaroon ako ng amnesia rito at maraming ups and downs. Mahirap, pero nag-enjoy ako,” sey ni Yassi.

Well, agree si Yassi na iisa ang Bane karakter niya sa top character na kanyang nagampanan dahil sa dami ng pinagdaanan. Complex ang karakter niya at nagulat din ]siya kung paano niya nagawa na okey kay Director Rommel Penesa.

May good words din siya sa leading man niyang si Ruru Madrid. 

Aniya, “I’ve always loved working with Ruru. Isa s’ya sa mga aktor na napaka-generous at masarap kaeksena. Mapi-feel mo na totoo ang emotions n’ya. I would love to work with him again at sana nga may Book 2 ang Black Rider.”

MASAYA ang A’Tin fans ng SB19 dahil pasok na si Pablo na maging coach ng The Voice Kids. Pinalitan nito si Chito Miranda, na magpo-focus muna sa banda niyang Parokya ni Edgar.  

Any day now, formal nang ia-announce ng GMA ang pagpasok ni Pablo bilang coach kasama ang co-SB19 member niyang si Stell Ajero kasama sina Billy Crawford at Julie Anne San Jose.

Well, maganda ang rapport nina Julie, Stell, at Billy nang maging coach sila sa The Voice Generation at siguradong makakasundo rin nina Julie at Billy si Pablo. Ano naman kaya ang mga hirit nito dahil si Stell, patok ang mga hirit sa viewers?