Alyansa ng US at 'Pinas, pinagtibay

ni Eli San Miguel - Trainee @News | October 24, 2023

Kinumpirma ng mga security adviser ng United States at Pilipinas noong Lunes ang alyansa ng dalawang bansa matapos ang mga mapanganib na aksyon ng mga barko ng China sa West Philippine Sea.

Sinabi ni US National Security Advisor Jake Sullivan na siya'y nakipag-usap sa telepono kay Philippine National Security Advisor Eduardo M. Año at muling ipinaabot ang suporta ng United States para sa mga kaalyadong Pilipino.

"Mr. Sullivan and Mr. Año reaffirmed the enduring alliance and friendship between our nations and discussed upcoming U.S.-Philippine engagements and ways to further strengthen our close partnership," saad sa isang pahayag mula sa White House.

Mababasa rin sa pahayag, "Mr. Sullivan emphasized the ironclad U.S. alliance commitments to the Philippines under the U.S.-Philippines Mutual Defense Treaty, which extends to armed attacks on Philippine public vessels, aircraft, and armed forces—to include those of its Coast Guard—in the Pacific, including in the South China Sea."

Unang inihayag ng United States na suportado at kaalyado nila ang Pilipinas, at sinabing nilabag ng China ang international law sa pamamagitan ng intensyonal na pakikialam sa kalayaan ng Pilipinas na lakbayin ang mga karagatan.

Kahit 1 pulgada ng teritoryo.. ‘Pinas, hindi maaagaw — Marcos

ni Mylene Alfonso | February 19, 2023

Tiniyak ni Pangulong Ferdinand “Bongbong” Marcos Jr., na hindi mawawalan kahit isang pulgada ng teritoryo ang Pilipinas.

Ito ang binigyang-diin ni Pangulong Marcos na patuloy na poprotektahan ng kanyang administrasyon ang buong teritoryo ng Pilipinas sa kabila ng mga geopolitical tensions na nagaganap ngayon sa West Philippine Sea.

“This country will not lose one inch of its territory. We will continue to uphold our territorial integrity and sovereignty in accordance with our Constitution and with international law. We will work with our neighbors to secure the safety and security of our peoples,” diin ni Marcos sa kanyang talumpati sa kauna-unahang pagkakataon bilang commander-in-chief ng Armed Forces of the Philippines (AFP) makaraang pangunahan ang alumni homecoming sa Philippine Military Academy sa Fort del Pilar, Baguio City kahapon.

Sinigurado ng Chief Executive na patuloy na itataguyod ng pamahalaan ang territorial integrity at soberanya ng Pilipinas alinsunod sa Konstitusyon at international laws.

Kaugnay nito, sinabi rin ni Marcos na makikipagtulungan ang Pilipinas sa mga karatig bansa nito upang matiyak naman ang kaligtasan at seguridad ng ating mga kababayan.

Samantala, bukod dito ay nagpaabot ng pagbati si Marcos sa lahat ng mga awardees ng PMA dahil sa huwarang pagganap ng mga ito sa kanikanilang mga tungkulin ngayong taon.

Bagay na dapat aniyang tularan ng kabataang kadete na hihimok sa kanila na maging leaders of character na mananatiling tapat sa kanilang mga mithiin at may pagpapahalaga sa kanilang mga integridad, serbisyo, professionalism na matatamo ng mga ito mula sa PMA.

Sa pinag-aagawang teritoryo… China, deadma sa reklamo ng Pilipinas

ni Jasmin Joy Evangelista | October 24, 2021

Muling inisnab ng China ang mga diplomatic protest ng Pilipinas laban sa kanila.

Iginiit ng Beijing na magpapatuloy pa rin ang "law enforcement activities" sa pinag-aagawang teritoryo sa South China Sea.

"China's position on the South China Sea issue is consistent and clear-cut. It is legitimate and reasonable for China's maritime law enforcement authorities to conduct law enforcement activities in waters under China's jurisdiction in accordance with domestic laws and international laws, including the United Nations Convention on the Law of the Sea," ayon kay Chinese Foreign Ministry spokesman Wang Wenbin sa press briefing sa Beijing nitong October 21.

Matatandaang inireklamo ng Pilipinas ang panggigipit ng Chinese vessels sa mga sasakyang pandagat ng Pilipinas na nagsasagawa ng maritime patrol sa karagatang sakop ng Pilipinas.

Ayon sa DFA, mahigit 200 diplomatic protests ang isinampa nito laban sa China dahil sa "unlawful radio challenges, sounding of sirens, and blowing of horns" sa mga nagpapatrolyang Philippine vessels sa bahagi ng West Philippine Sea.