La Niña, start na – PAGASA

ni Lolet Abania | October 15, 2021

Inanunsiyo ng Philippine Atmospheric, Geophysical and Astronomical Services Administration (PAGASA) ngayong Biyernes ang opisyal na pagsisimula ng La Niña at katapusan ng Habagat season.

Paliwanag ni PAGASA deputy administrator Esperanza Cayanan sa isang intreview, ang La Niña ay inilalarawan bilang mas malakas na ulan kumpara sa pangkaraniwang ulan.

Ayon sa bureau, ang La Niña ay posibleng tumagal ng hanggang unang quarter ng 2022.

“Rainfall forecast from October 2021 to March 2022 suggests that most parts of the country will likely receive near to above normal rainfall conditions,” pahayag ng PAGASA.

Sinabi pa ng PAGASA na tinatayang apat hanggang anim na tropical cyclones ang inaasahang pumasok o ma-develop sa Philippine Area of Responsibility (PAR) sa panahong ito.

“These tropical cyclones may further enhance the northeast monsoon and could trigger floods, flashfloods, and rain-induced landslides, over susceptible areas, particularly in the eastern sections of the country, which normally receive greater amount of rainfall at this time of the year,” dagdag pa ng PAGASA.

“Adverse impacts are likely over the vulnerable areas and sectors of the country.”

Idineklara na rin ng PAGASA, ang pagtatapos ng Habagat o ang southwest monsoon season, at pagsisimula ng Amihan o ang northeast monsoon season.

#MaringPH: Patuloy na mananalasa at magdadala ng pag-ulan sa Northern Luzon

ni Jasmin Joy Evangelista | October 12, 2021

Patuloy na mananalasa ang bagyong Maring sa Northern Luzon habang patungo ito sa West Philippine Sea dahil sa lawak ng sirkulasyon nito.

Sa nakalipas na magdamag, naranasan sa Northern Luzon ang matinding ulan at hangin na dala ng severe tropical storm.

Ayon sa PAGASA, huling namataan ang sentro ng bagyo sa layong 170 km kanluran ng Calayan, Cagayan na may taglay na lakas ng hangin na 100 kph at may pagbugsong 125 kph.

Kumikilos ito nang pakanluran sa bilis na 20 kph.

Nakataas pa rin ang Signal No. 2 sa Batanes, Cagayan, kasama na ang Babuyan Islands, northern portion ng Isabela, Apayao, Kalinga, Mountain Province, Abra, Ilocos Norte at Ilocos Sur habang Signal No. 1 naman sa natitirang bahagi ng Isabela, Nueva Vizcaya, Quirino, Ifugao, Benguet, La Union, Pangasinan, Aurora, Nueva Ecija, Tarlac, Zambales, Pampanga, Bulacan, northern portion ng Bataan, northern portion ng Quezon, kasama na ang Polillo Islands.

#WalangPasok: Oktubre 11, dahil sa Bagyong Maring

ni Jasmin Joy Evangelista | October 11, 2021

Suspendido ang klase mula pre-school hanggang senior high school sa lalawigan ng Cagayan ngayong araw, Lunes, Oktubre 11, dahil sa masamang panahong dala ng bagyong Maring.

Nasa ilalim sin ng Signal No. 2 ang ilang bahagi ng Isabela, Kalinga at Ilocos Norte.

Nakataas naman ang Signal No. 1 sa mga sumusunod na lugar:

* natitirang bahagi ng Ilocos Norte

* Ilocos Sur

* Pangasinan

* Abra

* natitirang bahagi ng Kalinga

* Mountain Province

* Ifugao

* Benguet

* rest of Isabela

* Quirino

* Nueva Vizcaya

* hilaga at gitnang bahagi ng Aurora (Dilasag, Dinalungan, Casiguran, Dipaculao, Maria Aurora, Baler)

* hilagang bahagi ng Nueva Ecija (Carranglan, Lupao, Pantabangan, San Jose City)

* Catanduanes

* Eastern Samar

* silangang bahagi ng Northern Samar (San Roque, Pambujan, Las Navas, Catubig, Laoang, Mapanas, Lapinig, Gamay, Palapag, Mondragon, Silvino Lobos)

* silangang bahagi Samar (Matuguinao, San Jose de Buan, Hinabangan, Paranas)