Mula Mayo 16 – Hunyo 1.. 10 lugar, nagpatupad ng water service interruptions — Maynilad

ni Lolet Abania | May 16, 2022

Sinimulan na ng Maynilad Water Services Inc. (Maynilad) ngayong Lunes, Mayo 16, ang kanilang implementasyon ng service interruptions sa 10 lugar upang mapangasiwaan ang lebel ng tubig sa reservoirs.

Ayon sa Maynilad, ang mga kostumer ay makararanas ng service interruptions mula alas-10:00 ng gabi hanggang alas-4:00 ng madaling-araw sa ilang bahagi ng mga sumusunod na lugar mula Mayo 16 hanggang Hunyo 1:

• Caloocan

• Makati

• Malabon

• Manila

• Navotas

• Parañaque

• Pasay

• Quezon

• Valenzuela

• Bulacan

Ayon sa Maynilad, ito ay para ma-manage nang maayos ang mabilis na pagbaba ng lebel ng tubig mula sa reservoirs sanhi ng mataas na demand ng tubig sa umaga.

“This will enable us to refill our reservoirs at night in preparation for the daytime peak demand,” paliwanag ng Maynilad.

Pinapayuhan naman ng Maynilad ang mga apektadong kostumer na agad na mag-ipon ng sapat na tubig habang available pa ito sa umaga.

Paalala ng Maynilad sa mga kostumer, kapag bumalik na ang serbisyo ng tubig, hayaan muna na dumaloy saglit ito hanggang sa maging malinaw na ang lumalabas na tubig.

Sinabi rin ng Maynilad, ang mga mobile water tankers ay naka-stand-by lamang at handang mag-deliver ng potable water kung kinakailangan. Alas-6:00 ng umaga ngayong Lunes, nai-record ang water level sa Angat Dam na nasa 191.11 meters, kung saan mas mababa kumpara sa normal high water level nito na 210 meters.

12-oras na water service interruptions, asahan — Maynilad

ni Lolet Abania | February 5, 2022

Asahan na ng mga customers ng Maynilad Water Services Inc. na makararanas ng hanggang 12-oras na service interruptions dahil anila, apektado ang kanilang operasyon ng high demand o mataas na pangangailangan sa Bagbag Reservoir.

Sa isang advisory inilabas ng Maynilad, mahina o low pressure hanggang sa walang suplay ng tubig ang maaaring maranasan mula 1PM ng Linggo, Pebrero 6, sa mga lungsod ng Caloocan, Makati, Malabon, at Quezon.

Ang service interruptions naman sa Parañaque City ay magsisimula ng 1PM at posibleng tumagal ng hanggang 1AM ng Lunes, Pebrero 7, 2022.

Ang mga apektadong lugar ng water service interruptions ay sa Caloocan City - Barangays 6, 8, 10 to 12, 99, 101, 102, 105, 159 to 163, at Balingasa; Makati City - Barangay Magallanes; Malabon City - Barangays 161, Dampalit, at Potrero; Quezon City - Barangays 163, 164, A. Samson, Baesa, Bahay Toro, Balong Bato, Bungad, Del Monte, Maharlika, N.S. Amoranto, Paltok, Saint Peter, Sangandaan, Sauyo, Talipapa, Tandang Sora, Unang Sigar, at Veteran’s Village; Parañaque City - Barangays BF Homes, BF International/CAA, at San Isidro.

Sa kasalukuyan ang Maynilad ay nagseserbisyo sa mga customers sa west zone, kung saan sakop ang mga lungsod ng Caloocan, Las Piñas, Makati, Malabon Manila, Muntinlupa, Navotas, Parañaque, Pasay, Quezon, Valenzuela.

Gayundin, nagseserbisyo sa ilang lugar sa Cavite gaya ng mga lungsod ng Bacoor, Cavite, at Imus; at mga bayan ng Kawit, Noveleta, at Rosario.

Dahil sa Laguna Lake turbidity — Maynilad.. Ilang lugar sa M. Manila, Cavite, walang suplay ng tubig

ni Lolet Abania | January 5, 2022

Inanunsiyo ng Maynilad Water Services, Inc. nitong Martes na magpapatupad sila ng temporary water service interruption sa maraming lugar dahil sa pagtaas ng turbidity level ng Laguna Lake sanhi ng Northeast Monsoon (Amihan).

Sa kanilang Twitter post, ayon sa Maynilad, nagresulta ito sa pagbaba ng produksyon para matiyak ang kalidad ng tubig na kanilang sinusuplay sa mga customers.

Batay sa Maynilad, “it has to undertake urgent maintenance work on ultrafiltration membranes and dissolved air flotation system at Putatan Water Treatment Plants to ensure their filtration capacity.”

Ayon sa kumpanya, mula Enero 5 hanggang 20, ang mga customers sa bahagi ng Metro Manila at Cavite ay makararanas ng water service interruption. Pinapayuhan naman ang mga customers na mag-impon na ng tubig sa kanilang mga tangke habang mayroong pang suplay sa ngayon.

Gayunman, ayon sa Maynilad, inihahanda na rin nila ang mga water tankers para makapag-supply naman ng malinis na tubig sa mga apektadong komunidad.

Paalala ng Maynilad sa mga customers, matapos na maibalik ang suplay ng tubig, hayaan munang umagos ang tubig sa umpisa hanggang sa ito ay maging malinaw na.

Samantala, sa hiwalay na advisories nitong Martes at Miyerkules, ayon sa Maynilad, ang kanilang mga customers sa Las Piñas City, Muntinlupa City, at Paranaque City ay makararanas ng low pressure hanggang sa walang supply ng tubig dahil din ito sa water quality ng Laguna Lake.