Angels at Speed Hitters, hahalo sa 3-way tie leaders

ni Gerard Arce @Sports | February 23, 2023

Mga laro ngayong araw (Huwebes):

(FilOil EcoOil Centre)

4:00 n.h. – Choco Mucho Flying Titans vs Army Black Mamba

6:30 n.g. – Petro Gazz Angels vs PLDT High Speed Hitters

Makikipagrambulan sa pagsosyo sa 4-way liderato ang Petro Gazz Angels at PLDT High Speed Hitters sa pinakatampok na sagupaan, habang susubukang kunin ng Choco Mucho Flying Titans ang kanilang ikalawang panalo kontra sa wala pang panalong Army Black Mamba sa mas umiinit na eliminasyon ng 2023 Premier Volleyball League (PVL) All-Filipino Conference ngayong Huwebes ng hapon sa FilOil EcoOil Centre sa San Juan City.

Parehong hawak ang 2-1 kartada, nais ng Angels at High Speed Hitters na makigulo sa three-way tie ng Creamline Cool Smashers, Chery Tiggo Crossovers at F2 Logistics Cargo Movers na kapwa may 3-1 marka.

Nakatakdang magharap ang 2022 Reinforced Conference titlist na Petro Gazz at PLDT sa main game ng 6:30 p.m., ngunit bago ang dikdikan sa puwestuhan ay magbabawi muna Choco Mucho Flying Titans mula sa 2-game losing skid kontra sa kulelat na Army Black Mamba Lady Troopers sa unang laro ng alas-4:00 ng hapon.

Nanumbalik ang mahusay na paglalaro ni 3-time NCAA MVP na si Gretchel Soltones matapos magpamalas ito ng 14 puntos mula sa 13 atake, katulong si Mary Joy Palma na nagbida sa 15pts, habang naging epektibo ang sets ni Djanel Welch Cheng sa 19 excellent sets para bokyain ang Cignal HD Spikers sa 28-26, 25-18, 25-13 nitong Sabado.

Halos lumikha ng triple-double si Jovelyn Prado para sa PLDT upang tulungang ibigay ang unang pagkabigo ng Chery Tiggo ng bumuhos ito ng 12pts, 15 digs at 7 receptions.

Manabat, bida sa Chargers naka-1st win na sa PVL

ni Gerard Arce @Sports | February 22, 2023

Mga laro sa Huwebes:

(FilOil EcoOil Centre)

4:00 n.h. – Choco Mucho Flying Titans vs Army Black Mamba

6:30 n.g. – Petro Gazz Angels vs PLDT High Speed Hitters

Naging maliwanag ang takbo ng laro ng Akari Chargers sa pangunguna ng pambatong spiker at middle blocker na si Aleona Denise “Dindin” Santiago-Manabat upang putulin ang 3-game losing skid at makuha ang unang panalo sa bisa ng straight set 25-18, 25-19, 23-25, 25-19 kontra Army Black Mamba Lady Troopers sa unang laro ng 2023 season Premier Volleyball League (PVL) All-Filipino Conference kahapon sa Philsports Arena sa Pasig City.

Bigay-todo sa paghambalos ng bola ang 6-foot-2 one-time league champion na si Santiago-Manabat ng kumana ito ng team-high 23-puntos mula sa 20 atake, 2 blocks at isang service ace upang makuha ang unang panalo sa apat na laro.

“Ramdam namin (na kaya naming manalo) kase everytime na sinasabi namin na makakuha lang kami ng isang set at makuha namin 'yung momentum, alam naming magdidiretso na yung panalo,” wika ni Santiago-Manabat, na nakakuha rin ng suporta mula kina Chiara Permentilla na tumapos ng 13 puntos mula sa lahat ng atake, kasama ang 10 excellent receptions at walong digs at Princess Ezra Madrigal na may 10 puntos.

Hawak ng 2-0 kalamangang set, hindi sumuko ang Lady Troopers sa 3rd set ng makipagsabayan ito sa atake sa 13 kaantabay ang siyam na errors ng Akari upang madala ang laro sa 4th set na tumagal ng 41 minuto.

Mula sa 16-16 tabla sa 4th set, nakipagsanib-puwersa si Santiago-Manabat kina Permentilla at Madrigal, kabilang ang ilang errors ng Lady Troopers upang iukit ang 9-3 blast.

Lady Pirates, binihag ang Cardinals sa NCAA Volley

ni Gerard Arce @Sports | February 22, 2023

Mga laro sa Miyerkules:

(San Andres Sports Complex)

9:00 n.u. – Arellano Chiefs vs San Beda Red Lions (men’s)

12:00 n.t. – Arellano Lady Chiefs vs San Beda Lady Red Spikers (women’s)

2:00 n.h. – CSB Lady Blazers vs EAC Lady Generals (women’s)

4:30 n.h. – CSB Blazers vs EAC Generals (men’s)

Dinismaya ng Lyceum of the Philippines University Lady Pirates ang kapitbahay na Mapua University Lady Cardinals matapos kanain ang isang come-from-behind victory sa bisa ng 25-20, 16-25, 21-25, 25-22, 15-5, kahapon sa pamamayaning hatid ni Jewel Maligmat sa 98th National Collegiate Athletic Association (NCAA) women’s volleyball tournament, kahapon sa San Andres Sports Complex sa Malate, Manila.

Bumira si Maligmat ng lima sa kabuuang 14 puntos mula sa 10 atake at 4 aces sa huling set kabilang ang dalawang service aces upang pangunahan ang 9-1 blast para makuha ang “Battle of Intramuros” sa debut game ngayong season.

Nagawang masungkit ng Lady Pirates ang first set mula sa mabisang 13 atake, kasama ang tig-anim na aces at errors ng Lady Cardinals. Subalit nagawang makatabla ng Mapua sa set two ng bumira ng 11 puntos mula sa atake kasama ang apat aces at isang block, habang nagsimulang magkalat ng errors ang Lady Pirates sa siyam para sa 25-16.

Kahit man gumanang muli ang atake ng Lady Pirates sa third set ay naging pangunahing problema pa rin ng koponan ang 12 errors na sinamahan ng siyam atake at apat na aces ng Mapua para makuhang mamuro sa unang panalo sa 25-21.

Sunod na makakalaban ng LPU Lady Pirates ang San Sebastian College-Recoletos Lady Stags sa darating na Biyernes, habang babawi ang Mapua kontra sa kapitbahay na Letran Lady Knights sa parehong araw.