Cool Smashers at HSH wagi sa unang laban sa AVC Cup

ni Gerard Arce @Sports News | Apr. 21, 2025

Photo: Matibay na bumanat ng pag-atake si Michelle Gumabao-Panlilio ng PHL Creamline Cool Smashers sa harap ng depensa ni Paula Pully ng NVC-Al Naser Club Jordan sa kanilang maaksyong tagpo sa unang araw ng AVC Women's Volleyball Champions League sa PhilSports Arena kahapon. (Reymundo Nillama)

Mga laro ngayong Lunes

(Philsports Arena)

10 a.m. – VTV Binh Dien Long An vs Baic Motor (Pool C)

1 p.m. – Nakhon Ratchasima vs Queensland (Pool D)

4 p.m. – Petro Gazz vs Taipower (Pool B)

7 p.m. – Zhetysu vs Creamline (Pool A)

Madaling dinispatsa ng Creamline Cool Smashers at ng PLDT High Speed Hitters sa pangunguna ng import na si Erica Staunton ang Al Naser ng Jordan sa 29-27, 25-20, 25-19 straight sets at ni Kianny Dy sa straight sets din kontra  Australian squad Queensland Pirates, 25-19, 25-12, 25-12 sa 2025 AVC Women’s Champions League kahapon sa Philsports Arena sa Pasig City.

Dahil dito nakausad papalapit sa quarterfinal berth sa Pool A ang CCS mula sa impresibong laro ni Staunton. Nakatulong din ng 25-anyos na American hitters sina Kazakh middle blocker Anastassiya Kolomoyets at Russian outside hitter Anastasya Kudryashova sa pagragasa ng puntos para sa CCS sa opening set upang makuha ang tamang laro tungo sa 1-0 kartada sa Pool A.

Nasubukan ang tindig ng CCS sa third set mula sa pagtapyas ng Al Naser sa 16-14 na bentahe kasunod ng error ni Kolomeyts. Subalit nakabawi naman ang CCS sa magkasunod na errors ng Jordan team na sinundan ng banat ni Staunton upang muling makalayo sa 19-14 na bentahe.

Hindi na pinabayaan ng CCS na mawala pa sa kamay ang kalamangan mula sa atake ni Staunton, at butata ni Lorie Bernardo. Kinakailangang walisin ng CCS ang Pool A na sunod na makakaharap ang 9-time WVL champion na Zhestyu VC ng Kazakhstan. Samantala, papanatilihin ng Al Naser ang na makaharap ang Kazakhstan sa Martes. 

Lalabanan ng PLDT ang Thailand powerhouse Nakhon Ratchasima sa Martes, April 22.

Samantala, nagwagi rin ang Kaoshiung Taipower laban sa Hong Kong’s Hip Hing sa 25-10, 25-16, 25-14.

Pang-11 korona sa CCS o first All-Filipino title sa Angels?

ni Gerard Arce @Sports News | Apr. 12, 2025

Photo File: Creamline vs Petro Gazz - PVL

Mga laro ngayon (Philsports Arena)

Game 3: Best-of-three, Battle for Third

2:30 n.h. – Akari vs Choco Mucho

Game 3: Best of three Finals: Winner-take-all

7:00 n.g. – Creamline vs Petro Gazz 

Isang laro na lang ang kailangan ng parehong defending champions Creamline Cool Smashers at mahigpit na karibal na Petro Gazz Angels upang matuldukan ang anim na buwang hatawan sa Game 3 na winner-take-all championship series, maging ang grudge match para sa bronze medal ng Choco Mucho Flying Titans at Akari Chargers sa 2024-25 Premier Volleyball League (PVL) All-Filipino Conference sa Philsports Arena. 

Tatapusin ng CCS at Angels ang matinding sigalot na kapwa na umabot sa 5th set sa Game 1 at Game 2 sa main game, habang mas maagang bakbakan para sa 3rd place ang Flying Titans at Power Chargers. 

Hahanapin ng CCS ang ika-11 korona sa komperensiya, habang asam ng Angels ang kauna-unahang titulo sa AFC matapos makubra ang dalawang korona sa Reinforced Conference.

Hindi na bago para sa CCS ang tagpo na nakuha ang kauna-unahang makasaysayang Grand Slam season noong isang taon. “Siguro lesson din talaga sa amin ‘yung fifth set noong nakaraan. Kasi pinush namin eh na hanggang fifth set pero hindi namin nakuha,” pahayag ni Pons. 

Hawak ng CCS ang malalim na karanasan sa ilalim ni coach Sherwin Meneses. Hindi nagawang magpatinag ng team sa mga nakukuhang pagkakamali, laban sa delikadong Angels, higit na kay dating MVP Brooke Van Sickle. “Kapag nagkakamali kami, let go agad at focus kami sa next na gagawin namin. So sobrang nakatulong din sa team,” saad ng dating FEU Lady Tamaraws star at 2-time SEA Games bronze medalist.

Hindi naman patitinag ang Angels na dalawang beses tinatalo ang CCS ngayong season sa pangunguna ni Fil-Am Van Sickle katuwang sina 2-time Best Middle Blocker Mar Jan Phillips, 2-time league MVP Myla “Bagyong” Pablo, Jonah Sabete, playmakers Chie Saet at Djanel Cheng.

Creamline vs. Petro Gazz na ang maghaharap sa PVL Championship

ni VA @Sports | Apr. 3, 2025

Photo: Pinamunuan ni Alyssa Valdez ang panalo ng Creamline Cool Smashers laban sa Choco Mucho kagabi para makaharap sa PVL finals ang Petro Gazz Angels. (Reymundo Nillama)

Laro sa Martes (April 8, 2025 4 p.m. Choco Mucho vs. Akari (Battle-for-bronze)

6:30 p.m. Creamline vs. Petro Gazz (Game 1 finals)

Naitakda na ang Petro Gazz Angels kontra Creamline Cool Smashers para sa 2024-25 Premier Volleyball League (PVL) All-Filipino Conference Finals.

Umakyat sa huling hakbang ang Cool Smashers sa championship round nang lupigin ang Choco Mucho sa pagwalis ng 3-sets win 25-19, 25-15, 25-15 sa semifinals kagabi sa Araneta Coliseum. Ito ang ika-pitong sunod na finals appearance at kumakaway ang tsansa para sa limang championship crown.

Tumiyak na rin ang 10-time PVL champions na mapalawig pa ang walang bahid na pag-akyat sa podium sa halos 17 kumperensiya. Nagtala ang Creamline ng 2-1 win-loss sa round-robin semifinals kungs aan ang tanging isang pagkatalo ay gawa ng Petro Gazz.

Sa unang laro ng semis, winalis ng Petro Gazz Angels ang Akari Chargers sa bisa ng 25-22, 25-20, 25-18 sets win. Kinumpleto ng Angels ang malinis na 3-0 sweep. Unang nagwagi ang Koji Tsuzurabara-coached squad sa Creamline at Choco Mucho para makuha ang semifinal seat.

Hawak ang dikitang 15-13 na pangunguna, ganado sina Van Sickle, Aiza Maizo-Pontillas, Joy Dacoron, at MJ Phillips para pangunahan ang 10-5 run, at tuluyang iselyo ang panalo.

Nakapag-ambag mula sa humaliling manlalaro si Nicole Tiamzon para sa pinal na lakas ng block kill at tiyakin ang straight-sets sa loob lamang ng 95 minuto. Namuno si Myla Pablo para sa Petro Gazz nang makagawa ng 16 points at 11 spikes, 4 blocks, at ace.

Nagmarka sa kanyang ikalawang sunod na laro ang bigat ng net defense, kasunod ng five-rejection performance laban sa Choco Mucho. Ang Choco Much at Akari Chargers naman ang haharap sa bronze medal match.