Padir, 'di raw kawalan sa kanya… BIMBY KAY JAMES: WALA AKONG PAKI!

ni Vinia Vivar - @Frankly Speaking | April 25, 2021

Inamin ng bunsong anak ni Kris Aquino na si Bimby na matagal na silang walang communication ng amang si James Yap.

Napag-usapan ng mag-ina si James sa heart-to-heart conversation nila na in-upload ni Kris sa kanyang Facebook page.

Tinanong ni Kris ang anak kung may nararamdaman ba itong resentment na lumaki itong wala ang ama.

“No, kasi I have such an awesome Mama,” sagot ni Bimby at in-enumerate ang iba pang nagmamahal sa kanya.

Sey naman ni Kris, “What I’m trying to say is do you feel there’s something missing in your life?”

Bimby answered, “No, because all of those people overflowed it already.”

When asked if he has forgiven his dad, ani Bimb, “Yeah, 'coz — sorry sa bluntness po, ah – I don’t really care.”

Ipina-explain ni Kris sa anak ang sinabi nito dahil baka raw lumabas na bastos.

“Hindi siya bastos po,” paglilinaw ng bagets, “you forget and when you look back at the memories, those horrible memories, mawawala na 'yung pain.

“He has his own life, and I have my own life. We are not in contact.”

Sabi naman ni Kris, “Can we just clarify this? Because a lot of people think that I have prevented you from making contact with him. Have I done that?”

Mabilis na sagot ni Bimby, “No, it’s the opposite.”

Ang tatay daw niya ang hindi kumokontak sa kanya.

“I have a phone, and it just takes like 10 digits sa keypad to call me, eh, hindi niya ginawa in ilang years.

“But all those people who love me who care about me are like 650,000 times better than what I could get from him.

“Sorry sa bluntness ko po,” pahayag pa ni Bimby.

Moreno at tahimik lang daw ang gusto... JESSY, AMINADONG 'DI TALAGA SI LUIS ANG IDEAL BF

ni Vinia Vivar - @Frankly Speaking | September 21, 2020

According to Jessy Mendiola, hindi si Luis Manzano ang kanyang ideal man. Aniya sa panayam sa kanya ni Angeline Quinto para sa PadaLOVE online show nito, moreno at tahimik ang gusto niya sa isang lalaki na as we all know ay kabaligtaran ng boyfriend.

“Nu'ng simula pa lang talaga, as in, hindi ko talaga siya type, ‘yung hindi siya talaga ‘yung ideal na gusto ko, alam mo ‘yun?

“Kasi si Luis, mestizo. Ang talagang type ko noon, mga moreno, ‘yung pa-mysterious, 'di ba? ‘Yung mga tahimik, ganyan,” sey ni Jessy.

Pati personality nga raw nila ay magkaiba kaya at first ay talagang hindi sila nag-click agad.

“Hindi talaga kami same ng personality ni Luis. Napapansin n’yo naman, si Luis, napakakulit. Tapos ako, kalma lang akong tao. Pero siguro, more of, naging parehas na rin ‘yung hilig namin nu’n nagkakilala kami nang husto,” aniya.

Ganu'n naman daw talaga minsan, hindi ‘yung ideal type mo ang nakakatuluyan.

“Kumbaga, ito ‘yung proof na minsan talaga, you don’t end up with you know, ‘yung ideal na nakikita mong tao,” she said.

Pero nang tanungin ni Angeline kung si Luis na ang “the one” for her, agad na sambit ni Jessy, “Ay, oo naman, siya na talaga.”

Ewan kung biro, pero napaiyak si Angeline sa sagot ni Jessy. Nagpunas siya ng mata at aniyang natatawa rin, “Naiyak ako, masaya ako, naiyak, unfair naman.”

Dagdag pa ni Angeline, sana raw ay dumating na ‘yung time na masabi niya na “the one” na rin ang isang guy, pero wala pa raw.

Sabi naman ni Jessy, “Darating ‘yan, take your time.”

Anyway, dahil ang main topic nila ay tungkol sa “paasang love”, nabanggit ni Jessy na siya man ay naka-experience na pinaasa ng guy and not only that, na-ghost na rin daw siya.

“Maraming beses na,” pag-amin ni Jessy.

Sey naman ni Angeline, hindi siya makapaniwala sa gandang ‘yun ni Jessy.

“Naku, Angge, wala sa hitsura ‘yun. 'Pag ang lalaki, gustong mang-ghost, manggo-ghost talaga,” sagot naman ni Jessy.

Mula nang magpakasal kay Matteo… JUDAY, SOBRANG HAPI NA NAE-ENJOY NA NI SARAH ANG BUHAY

ni Vinia Vivar - @Frankly Speaking | September 15, 2020

Proud na proud si Judy Ann Santos sa mga pagbabagong nakikita kay Sarah Geronimo ngayong isa na itong maybahay ni Matteo Guidicelli.

Nagkaharap ang dalawang “superstars” sa online conversation para sa produktong pareho nilang ineendorso at nakakatuwa naman talagang pakinggan ang mga sinasabi ni Popstar Royalty ngayong iba na ang kanyang estado sa buhay.

Kinumusta kasi ni Juday ang bagong kasal at tinanong kung may mga bagong discoveries sa buhay nito ngayon.

Sagot ni Sarah, marami siyang natutunan at nalalaman ngayon tungkol sa kanyang sarili.

“Marami akong mga nalalaman about myself na ‘Ah, ganito pala ako,’ ganito, ganyan-ganyan. May mga good, meron din na parang alam ko talaga sa sarili ko na kailangan kong ayusin, i-improve especially now na hindi ka na lang… you’re no longer your own, sabi nga nila, 'di ba? Meron ka nang kabiyak,” masayang wika ni Sarah.

“Naks! Palalim na, ha? 'Andiyan ka na, ha?” pangangantiyaw ni Juday at napahagikgik si Sarah.

Patuloy ni Popstar, “So, I guess, Ate Juday, ‘yan ang biggest challenge for me. Kasi nasanay nga tayo na tayo lang sa buhay and your family. Ngayon, meron ka nang asawa na kailangan mo ring isipin, kailangan mong alagaan.

“At the same time, huwag ding kakalimutan, ‘yung sinabi mo nga ate, ‘wag mo ring kakalimutang mahalin ‘yung sarili mo and never lose your identity as a person.

“So, ano ‘yan, parang adjustments talaga lahat and learning process sa akin.”

Ibinahagi rin ni Sarah na hindi niya nga akalaing kaya rin niyang magluto para sa kanyang asawa.

“May mga niluto ako na hindi ko akalaing maluluto ko for myself and for my husband. So, nakakatuwa. Isa rin sa mga naitulong ng sitwasyon natin ngayon ‘yung matuto ka talagang tumayo sa sarili mong mga paa, matuto talaga sa buhay,” she said.

“Grabe naman,” reaksiyon ni Juday, “para ka nang cum laude sa mga sinabi mo! Nakaka-proud ‘yung pinanggagalingan mo ng mga statements mo ngayon.

“Well, matagal ko nang hinihintay na lumabas sa bibig mo ‘yang mga words na ‘yan because it’s about time that you enjoy life and I’m so happy that you are experiencing new adventures in your life now, which is dapat naman.

“And I’m so proud of you because hindi ka na natatakot mag-try ng mga bagong bagay sa buhay mo. Totoo ‘yan, mula sa aking puso ‘yan,” sabi ni Juday.

Dagdag pa ng aktres, before ay lagi raw niyang ipinu-push si Sarah na mag-try ng bago.

“Remember before, parati kitang ipinu-push, ‘Mag-try ka ng bago. Push mo ang sarili mo.’ Ngayon, ikaw na mismo ang kusang gumagawa ng mga gusto mong gawin. Nakaka-proud ka, sweetheart. Para lang alam mo, proud na proud si ate sa 'yo,” sey pa ni Juday kay Sarah G.